MNP - ဒီဇင်ဘာ ၇
မန္တလေးတိုင်းဒေသကြီး၊ သပိတ်ကျင်းခရိုင်၊ သပိတ်ကျင်းမြို့ အခြေခံပညာအထက်တန်းကျောင်းတွင် မန္တလေးတိုင်းဒေသကြီးအစိုးရအဖွဲ့ ဝန်ကြီးချုပ်မှ လှူဒါန်းသော စက်ဘီးများအား ကျောင်းသား/သူများသို့ ပေးအပ်လှူဒါန်းပွဲအခမ်းအနားကို ယနေ့နံနက် (၁၀) နာရီက အခြေခံပညာအထက်တန်းကျောင်းခန်းမတွင် ကျင်းပပြုလုပ်ခဲ့သည်။
အစီအစဉ်အရ ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးရဲမြတ်တင့်က မန္တလေးတိုင်းဒေသကြီး အစိုးရအဖွဲ့ဝန်ကြီးချုပ်မှ သပိတ်ကျင်းမြို့နယ်ရှိ အခြေခံပညာကျောင်းများမှ ကျောင်းတက် ရာတွင် သွားလာရေးအခက်အခဲရှိသော ကျောင်းသား/ ကျောင်းသူများအား စက်ဘီးများ ပေးအပ်လှူဒါန်းရခြင်းနှင့်ပတ်သက်ပြီး အဖွင့်အမှာစကားပြောကြားခဲ့ပြီး ခရိုင်စီမုံပ်ချုပ်ရေး အဖွဲ့ဥက္ကဋ္ဌ ဦးရဲမြတ်တင့်နှင့် ခရိုင်စီမံအုပ်ချုပ်ရေးအဖွဲ့ဝင်များ၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးသန်းထိုက်အောင်နှင့် မြို့နယ်စီမံအုပ်ချုပ်ရေးအဖွဲ့ဝင်များမှ ကျောင်းသား/ ကျောင်းသူ (၁၀၀) ဦးအားစက်ဘီးများ ပေးအပ်ချီးမြှင့်ခဲ့ကြပြီး ကျောင်းသား/သူများ ကိုယ်စား မအေးစန္ဒာမိုး (Grade- 10) အ.ထ.က၊ သပိတ်ကျင်းမှ ကျေးဇူးတင်စကားပြောကြားခဲ့သည်။
အဆိုပါအခမ်းအနားသို့ ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးရဲမြတ်တင့်နှင် ခရိုင်စီမံအုပ်ချုပ်ရေးအဖွဲ့ဝင်များ၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးသန်းထိုက်အောင်နှင့် မြို့နယ်စီမံအုပ်ချုပ်ရေးအဖွဲ့ဝင်များ၊ ဌာနဆိုင်ရာအကြီးအကဲများ၊ မြို့နယ်ပညာရေးမှူး ဦးဝင်းမောင်နှင့် ကျောင်းအုပ် ဆရာ/ ဆရာမကြီးများ၊ဆရာ/ ဆရာမများ၊ ကျောင်းသား၊ ကျောင်းသူများ တက်ရောက်ခဲ့ကြကြောင်းသိရသည်။
မြန်မာနေရှင်နယ်ပို့စ်
No comments:
Post a Comment