MNP - ဒီဇင်ဘာ ၃၁
ရခိုင်ပြည်နယ်၊ ရသေ့တောင်မြို့၊ တောင်းတန်းရပ်ကွက်ရှိ စေတီယဂ်ဏဘုန်းတော်ကြီးကျောင်း၌ (၃၈)ကြိမ်မြောက်နေ့/ညအသံမစဲ မဟာပဌာန်းရွတ်ဖတ်ပူဇော်ပွဲ အခမ်းအနားကို ယနေ့ နံနက် (၉)နာရီအချိန်မှ စတင်၍ကျင်းပပူဇော်ခဲ့ကြောင်း သိရသည်။
အခမ်းအနားကို နမောတသ သုံးကြိမ်ရွတ်ဆို ဖွင့်လှစ်၍စေတီယဂ်ဏကျောင်းထိုင်ဆရာတော် ဘဒ္ဒန္တ ဦးပညာမိထံမှ ငါးပါးသီလခံယူဆောက်တည်ကြပြီး ပင့်ဖိတ်ထားသည့် ဆရာတော်သံဃာတော်များက မေတ္တာသုတ်တရားတော်အား ချီးမြှင့်ပေးတော်မူကြသည်။ ဆက်လက်၍ စေတာနာရှင်အလှူရှင်များက ဆရာတော်သံဃာတော်တို့အား လှူဖွယ်ဝတ္တုများကို ဆက်ကပ်လှူဒါန်းခဲ့ကြသည်။
အဆိုပါ (၃၈)ကြိမ်မြောက် နေ့/ည အသံမစဲမဟာပဌာန်း ရွတ်ဖတ်ပူဇော်ပွဲ ကို ပင့်ဖိတ်ထားသည့် ရသေ့တောင်မြို့ပေါ်နှင့် နီးစပ်ရာပတ်ဝန်းကျင်ကျေးရွာဘုန်းတော်ကြီးကျောင်းများမှ ဆရာတော်သံဃာတော် အပါး(၂၈)ပါးတို့က ၃၁-၁၂-၂၀၂၂ ရက်နေ့မှ ၂-၁-၂၀၂၃ ရက်နေ့အထိ သုံးညတိုင် နေ့/ည အသံမစဲမဟာပဌာန်း ရွတ်ဖတ်ပူဇော်သွားမည်ဖြစ်ကြောင်း သိရသည်။
ထွန်းလင်းကျော်
https://t.me/MyanmarNationalPost
No comments:
Post a Comment