MNP - ဒီဇင်ဘာ ၄
မန္တလေးတိုင်းဒေသကြီး၊ ညောင်ဦးမြို့နယ်၌ ဒီဇင်ဘာလ အားကစားလှုပ်ရှားမှု ပထမပတ် လမ်းလျှောက်ခြင်းကို ယမန်နေ့ နံနက် ၆ နာရီအချိန်က ညောင်ဦးမြို့နယ် ပြည်သူ့အားကစားကွင်းအတွင်း ဘောလုံးကွင်းအားပတ်၍ စုပေါင်းလမ်းလျှောက်ခြင်းများ ပြုလုပ်ခဲ့ကြောင်း သိရသည်။
ဒီဇင်ဘာ အားကစားလှုပ်ရှားမှုအဖြစ် စုပေါင်းလမ်းလျှောက်ခြင်းအား ညောင်ဦးခရိုင် အားကစားနှင့် ကာယပညာဦးစီးဌာနမှ ဦးဆောင်ကာ ညောင်ဦးမြို့၊ပြည်သူ့အားကစားကွင်းအတွင်း ညောင်ဦးခရိုင် အဆင့်ဌာနဆိုင်ရာများမှ ဝန်ထမ်းများ၊မြို့နယ်အဆင့်ဌာန ဆိုင်ရာဝန်ထမ်းများ၊ အရပ်ဖက်အဖွဲ့အစည်းများ၊ ပရဟိတအသင်းသူ အသင်းသားများ၊ ဆရာ/ ဆရာမများ၊ ကျောင်းသား၊ ကျောင်းသူများ ပါဝင်လမ်းလျှောက်ခဲ့ကြကာ ဘောလုံးကွင်းအတွင်း ကိုယ်လက်လှုပ်ရှား အားကစား လေ့ကျင့်ခန်း အတွဲ-၁၊ ကိုယ်လက်လှုပ်ရှား အားကစားလေ့ကျင့်ခန်း အတွဲ-၂ တို့အား စုပေါင်းပြုလုပ်ခဲ့ကြပြီး အကြောလျှော့ခြင်းများ ပြုလုပ်ခဲ့ကြကြောင်း၊ စုပေါင်းလမ်းလျှောက်ကြရာသို့ ညောင်ဦးခရိုင် စီမံအုပ်ချုပ်ရေးအဖွဲ့ဥက္ကဋ္ဌ ဦးတိုးလွင်နှင့် ခရိုင်အဆင့်ဌာနဆိုင်ရာများ၊ ညောင်ဦးမြို့နယ် စီမံအုပ်ချုပ်ရေးအဖွဲ့ဥက္ကဋ္ဌ ဦးနန်းတင့်နှင့် မြို့နယ်အဆင့်ဌာနဆိုင်ရာဝန်ထမ်းများ စုစုပေါင်းအင်အား(၅၅၀)တို့ဖြင့် စုပေါင်းလမ်းလျှောက်ခဲ့ကြောင်း သိရသည်။
သတင်း - ဦးဝင်းထိန်
မြန်မာနေရှင်နယ်ပို့စ်
No comments:
Post a Comment