MNP - ဒီဇင်ဘာ ၂၄
ရန်ကုန်တိုင်းဒေသကြီး၊ တွံတေးခရိုင်၊ တွံတေးမြို့နယ်တွင်(Working Group) မြေပြင်ကွင်းဆင်း စာရင်းကောက်ယူရေးကြီးကြပ်မှုကော်မတီအစည်းအဝေးကို ယမန်နေ့နေလယ် ၂ နာရီက တွံတေးမြို့နယ် စီမံအုပ်ချုပ်ရေးအဖွဲ့ရုံး၊ တော်ဝင်စန္ဒကူးခန်းမ၌ ကျင်းပပြုလုပ်ခဲ့ကြောင်း သိရသည်။
အစည်းအဝေးတွင် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ မြို့နယ်အုပ်ချုပ်ရေးမှူး ဦးခင်မောင်မြင့်မှ အထွေထွေရွေးကောက်ပွဲ ကျင်းပရန်အတွက် မြေပြင်လူဦးရေစာရင်း မှန်ကန်စေရေး ကွင်းဆင်း စာရင်းကောက်ယူရန် ဌာနဆိုင်ရာဝန်ထမ်းများ ဝိုင်းဝန်းပါဝင်စေရေးနှင့် မြေပြင်တစ်အိမ်တက်ဆင်း ကွင်းဆင်းကောက်ယူရေးအဖွဲ့ ဖွဲ့စည်းနိုင်ရေး ပူးပေါင်းဆောင်းရွက်ပေးကြရန်ဆွေးနွေးပြောကြားခဲ့ပြီး ဌာနဆိုင်ရာများမှ တာဝန်ရှိသူများမှ ပြန်လှန်ဆွေးနွေးပြောကြားခဲ့ကြသည်။
အဆိုပါအစည်းအဝေးသို့ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ မြို့နယ်အုပ်ချုပ်ရေးမှူး ဦးခင်မောင်မြင့်၊ အဖွဲ့ဝင်(၁) ဗိုလ်မှူးသုတအောင်၊ အဖွဲ့ဝင်(၂) ဦးဝင်းမြင့်၊ အဖွဲ့ဝင်(၃) ဦးဝင်းမြင့်ဦးနှင့် (Working Group)ကော်မတီတွင် ပါဝင်သော ဌာနဆိုင်ရာများမှ တာဝန်ရှိသူများ တက်ရောက် ခဲ့ကြကြောင်း သိရသည်။
https://t.me/MyanmarNationalPost
No comments:
Post a Comment