MNP - ဇန်နဝါရီ ၂၉
ပြည်ထောင်စုနယ်မြေ၊ နေပြည်တော်၊ ဥတ္တရခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ဥတ္တရသီရိမြို့နယ် စာအုပ်စာစောင် ချစ်မြတ်နိုးသူများအသင်း (Book Club) အဖွဲ့ဝင်များနှင့် စာပေဝါသနာရှင်များမှ စာဖတ်ဝိုင်း ပြုလုပ်ခြင်းကို ယနေ့နံနက်ပိုင်းက ခရိုင်ပြည်သူ့စာကြည့်တိုက်၌ ကျင်းပခဲ့သည်။
အဆိုပါ စာဖတ်ဝိုင်းတွင် ဥတ္တရခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ လက်ထောက်ညွှန်ကြားရေးမှူး ဒေါ်ဆွေဆွေဝင်းက စာပေဝါသနာရှင်များအနေဖြင့် စာဖတ်သည့် အလေ့အကျင့် ကောင်းများရရှိစေရေး၊ လူမျိုးနှင့် နိုင်ငံအကျိုး ထမ်းဆောင်နိုင်ရေး၊ မျှတစွာတွေးခေါ်နိုင်ရေး၊ စိတ်ဓာတ်ကောင်းမွန်စေရေးနှင့် စာဖတ်ဝိုင်း ပြုလုပ်ရခြင်း၏ ရည်ရွယ်ချက်အား ရှင်းလင်းပြောကြားပြီး စာအုပ်စာစောင်ချစ်မြတ်နိုးသူအသင်း (Book Club) အဖွဲ့ဥက္ကဋ္ဌ ဒေါ်နန်းဝင်းဝင်းစိန် စာရေးဆရာမ (ရဿဝတီမေနန်း)က ၎င်းကိုယ်တိုင် ရေးသားပြုစုထားသည့် နေပြည်တော် ဥပ္ပါတသန္တိစေတီတော်နှင့် ဗုဒ္ဓခြေတော်ရာသီရိပါဒ ဂန္ဓကုဋိကျောင်းတော်ဆောင်းပါးမှ အကြောင်းအရာများကို စာရေးဆရာမ ချယ်ချယ်(YU)နှင့် အတူ အပြန်အလှန် ဆွေးနွေးခဲ့ပြီး စာပေဝါသနာရှင်များက သိရှိလိုသည်များကို မေးမြန်းရာ တာဝန်ရှိသူများက ပြန်လည်ဖြေကြားခဲ့ကြောင်း သိရသည်။
အောင်မျိုးဝင်း
https://t.me/MyanmarNationalPost
No comments:
Post a Comment