MNP - ဇန်နဝါရီလ ၁
(၇၅)နှစ်မြောက် စိန်ရတုလွတ်လပ်ရေးနေ့အကြို အထိမ်းအမှတ် အုတ်တွင်းမြို့နယ် ဌာနဆိုင်ရာပေါင်းစုံ ဘောလုံးပြိုင်ပွဲကို ယမန်နေ့နံနက်ပိုင်းက မြို့နယ်အားကစားကွင်း၌ ကျင်းပသည်။
အဆိုပါ ပြိုင်ပွဲ၌ အုတ်တွင်းမြို့နယ် ဌာနဆိုင်ရာပေါင်းစုံအသင်းနှင့် မြို့နယ်အားကစားနှင့် ကာယပညာကော်မတီ လက်ရွေးစင်အသင်းတို့ ယှဉ်ပြိုင်ကစားခဲ့ကြပြီး မြို့နယ်အားကစားနှင့် ကာယပညာကော်မတီလက်ရွေးစင် အသင်းက လေးဂိုးတစ်ဂိုးဖြင့် အနိုင်ရရှိခဲ့သည်။
အုတ်တွင်းမြို့နယ်အနေဖြင့်၂၀၂၃ခုနှစ် ဇန်နဝါရီ ၄ ရက် (၇၅)နှစ်မြောက် စိန်ရတု လွတ်လပ်ရေးနေ့တွင် အုတ်တွင်းမြို့နယ် စီမံအုပ်ချုပ်ရေးအဖွဲ့၊ အားကစားနှင့်ကာယ ပညာဦးစီးဌာနနှင့် အားကစားကော်မတီတို့ ပူးပေါင်း၍ အားကစားပြိုင်ပွဲများနှင့် ဆုပေးပွဲများ ဆက်လက်ကျင်းပသွားမည်ဖြစ်ကြောင်း မြို့နယ်အားကစားနှင့် ကာယပညာဦးစီးဌာနမှ သိရသည်။
အေမင်းရည်စော
https://t.me/MyanmarNationalPost
No comments:
Post a Comment