ပန်းဘဲတန်းမြို့နယ် အမှတ်(၁) အခြေခံပညာအထက်တန်းကျောင်း၌ ပညာ​ရေးစုံညီပွဲတော်နှင့် ပညာရည်ချွန်ဆုများ ချီးမြှင့်ပွဲကျင်းပ

MNP  -   ဇန်နဝါရီ ၂၁

ပညာရေးစုံညီပွဲတော်နှင့် ပညာရည်ချွန်ဆုများ ချီးမြှင့်ပွဲအခမ်းအနားကို ရန်ကုန်တိုင်းဒေသကြီး၊ ကျောက်တံတားခရိုင်၊ ပန်းဘဲတန်းမြို့နယ် အမှတ်(၁)အခြေခံပညာအထက်တန်းကျောင်း၌ ယမန်နေ့ နံနက် ၉ နာရီတွင် ကျင်းပသည်။

အဆိုပါ အခမ်းအနားတွင် ပန်းဘဲတန်းမြို့နယ် အမှတ်(၁)အခြေခံပညာအထက်တန်းကျောင်းမှ ကျောင်းအုပ်ဆရာမကြီး ဒေါ်မာမာလွင်က အဖွင့်အမှာစကားပြောကြားပြီး အင်္ဂလိပ် စွမ်းရည်နှင့် သင်္ချာ စွမ်းရည်ပြိုင်ပွဲ၊ မြို့နယ်အဆင့် စာစီစာကုံးနှင့် က​ဗျာပြိုင်ပွဲ၊ ပညာရည်ချွန်ဆုများ၊ အားကစား ပြိုင်ပွဲများတွင် ဆုရရှိခဲ့သည့် ကျောင်းသူများ၊ စာပေထူးချွန်ဆုများနှင့်   ကျောင်းဘက်စုံဖွံ့ဖြိုးရေး အတွက် ကူညီပံ့ပိုးပေးကြသော ကျောင်းသားမိဘများအား ဂုဏ်ပြုမှတ်တမ်းများကို  မြို့နယ်စီမံ အုပ်ချုပ်ရေးအဖွဲ့ဝင်များနှင့် တာဝန်ရှိသူများက ဆုများချီးမြှင့်ပေးခဲ့ကြသည်။

ထို့နောက် ကျောင်းသူများက မြန်မာ့ကျောင်း၊ ခင်ခင်ထား၊ ကဗျာလွတ်အက၊ ရွှေညာသူ ရွှေညာသား၊ နပန်းဆံ၊ သင်္ကြန်မိုး ပလွေမှုတ်၊ ထာဝရသစ္စာ၊ See Tinh ၊ ဇာတိမာန် သီချင်းများဖြင့် သီဆိုဖျော်ဖြေခဲ့​ကြကြောင်းသတင်းရရှိသည်။

ဦးဆန်းကြည်

 https://t.me/MyanmarNationalPost