MNP - ဇန်နဝါရီ ၁
မကွေးတိုင်းဒေသကြီး၊ မင်းဘူးမြို့၌ မြို့နယ်စီမံအုပ်ချုပ်ရေးအဖွဲ့၏ ဦးဆောင်မှုဖြင့် အားကစားနှင့် ကာယပညာဦးစီးဌာနမှ (၇၅)နှစ်မြောက် စိန်ရတု လွတ်လပ်ရေးနေ့အထိန်းအ မှတ် အားကစားပြိုင်ပွဲများကို မင်းဘူးခရိုင် အားကစားကွင်း၌ ကျင်းပပြုလုပ်လျက်ရှိကြောင်း သိရသည်။
ထိုသို့ ကျင်းပပြုလုပ်သော (၇၅) နှစ်မြောက် စိန်ရတု လွတ်လပ်ရေးနေ့ အထိန်းအမှတ် အားကစားပြိုင်ပွဲများမှာ ဘောလီဘော၊ ပိုက်ကျော်ခြင်း၊ စားပွဲတင်တင်းနစ်၊ လွန်ဆွဲ၊ ထုတ်စည်းထိုး၊ အပြေး မီတာ ၁၀၀/၂၀၀၊ ခေါင်းအုံးရိုက်၊ ချော တိုင်တက်၊ စကောရွက်၊ အာလူးကောက်၊ အိတ်စွပ်ပြေး စသည့် အားကစားပြိုင်ပွဲများ ပါဝင်ပြီး ၂၄.၁၂.၂၀၂၂ မှစတင် ကျင်းပကာ ၄.၁.၂၀၂၃ ရက်နေ့အထိ ကျင်းပပြုလုပ်သွားမှာဖြစ်ပြီး ဆုရရှိသည့် အသင်းအဖွဲ့များအား လွတ်လပ်ရေးနေ့ အခမ်းအနားတွင် ဆုများ ချီးမြှင့်ပေးအပ်သွားမှာဖြစ်ကြောင်း မင်းဘူးမြို့ မြို့နယ်အားကစားမှူး ဒေါ်နှင်းထံမှ သိရသည်။
ဇေယျာထက်
https://t.me/MyanmarNationalPost
No comments:
Post a Comment