MNP - ဇန်နဝါရီ ၂၅
မကွေးတိုင်းဒေသကြီး၊ သရက်ခရိုင်၊ မင်းလှမြို့နယ် မြန်မာ့လယ်ယာဖွံ့ဖြိုးရေးဘဏ်မှ ၂၀၂၂-၂၀၂၃ ဘဏ္ဍာနှစ်အတွက်၊ ၂၀၂၂ ဆောင်းသီးနှံစိုက်ပျိုးကြမည့် တောင်သူများအား ၂၀၂၂-ခုနှစ် အောက်တိုဘာလမှစတင်၍ ဆောင်းရာသီစိုက်ပျိုးစရိတ်ချေးငွေများကို ထုတ်ချေးပေးလျက်ရှိကြောင်း သိရသည်။
မင်းလှမြို့နယ် မြန်မာ့လယ်ယာဖွံ့ဖြိုးရေးဘဏ်မှ ၂၀၂၂ခုနှစ် ဆောင်းသီးနှံထုတ်လုပ်မှုဘဏ်ချေးငွေထုတ်ချေးရန် လျာထားချက်မှာ ကျပ်သိန်း (၂၅၀၀) ဖြစ်ပြီး တောင်သူများပိုင်ဆိုင်ထားသော (ပုံစံ-၇)မူရင်းများကို ၂၀၂၂ မိုးဘဏ်ထုတ်ချေးစဉ်က ဘဏ်မှ အပေါင်အဖြစ် ရယူထားခဲ့ပြီး တောင်သူတစ်ဦးချင်းကိုယ်တိုင် အာမခံသည့်စနစ်ဖြင့် ရှင်းလင်းလွယ်ကူစွာ ထုတ်ချေးပေးလျက်ရှိသည်။
အဆိုပါ ထုတ်ချေးငွေကာလမှာ ၂၀၂၂-ခုနှစ်၊ အောက်တိုဘာလမှ ဇန်နဝါရီလအကုန်ထိဖြစ်ပြီး၊ ၂၀၂၃ခုနှစ်ဇန်နဝါရီလ (၂၀)ရက်နေ့ထိ ကျေးရွာအုပ်စု(၁၀)အုပ်စု၊ တောင်သူအဖွဲ့ဝင်ပေါင်း (၂၅၂)ဦး၊ ထုတ်ချေးငွေပေါင်း (၁၄၁၄)သိန်းထုတ်ချေးပြီးဖြစ်၍ အချိန်စေ့လွန် ကြွေးကျန်များ ပြေကျေစွာ ပေးဆပ်ပြီးသည့် တောင်သူများကိုသာ ၂၀၂၂-ခုနှစ် ဆောင်းချေးငွေကို ထုတ်ချေးပေးလျက်ရှိကြောင်း မြို့နယ်မြန်မာ့လယ်ယာဖွံ့ဖြိုးရေးဘဏ်မန်နေဂျာထံမှ သိရသည်။
ဇာဇာ
https://t.me/MyanmarNationalPost
No comments:
Post a Comment