ဘီးလင်းမြို့နယ်မွေးမြူရေးနှင့်ကုသရေးဦးစီးဌာနမှနိုင်ငံစီးပွားမြှင့်တင်မတည်ထောက်ပံ့ရန်ပုံငွေ(မွေးမြူရေးကဏ္ဍ) ကျပ် သိန်း ၅၀၀လွှဲပြောင်း ပေးအပ်ပွဲအခမ်း အနားကျင်းပ

MNP  -   ဇန်နဝါရီ ၁၁

  မွန်ပြည်နယ် ဘီးလင်းမြို့နယ် မွေးမြူရေးနှင့်ကုသ ရေးဦးစီးဌာနမှ နိုင်ငံစီးပွားမြှင့်တင်မတည်ထောက်ပံ့ ရန်ပုံငွေ(မွေးမြူရေးကဏ္ဍ) မြို့နယ်​ကော်မတီထံမှ ကျေးရွာကော်မတီသို့ ရန်ပုံငွေလွဲပြောင်း ပေးအပ်ပွဲ အခမ်းအနားကို ယနေ့ နံနက် ၁၀ နာရီက ဘီးလင်း မြို့နယ် အထွေထွေအုပ်ချုပ်ရေးဦးစီးဌာနရုံး အစည်း အဝေးခန်းမ၌ ကျင်းပပြုလုပ်သည်။

    ရှေးဦးစွာ ဘီးလင်းမြို့နယ် နိုင်ငံစီးပွားမြှင့်တင် မတည်ထောက်ပံ့ရန်ပုံငွေ(မွေးမြူရေးကဏ္ဍ) မြို့နယ်​ကော်မတီဥက္ကဌ မြို့နယ်အုပ်ချုပ်ရေးမှူး ဦးစည်သူ အောင်က အဖွင့်အမှာစကားပြောကြားပြီး​ ကျိုက်ထို ခရိုင်မွေးမြူရေးနှင့်ကုသရေးဦးစီး ဌာနမှ ခရိုင်ဦးစီး မှူး ဒေါက်တာဖြိုးဝင်းကို က ရန်ပုံငွေလွှဲပြောင်းပေး အပ်ရခြင်း နှင့်ပတ်သက်၍ ရှင်းလင်းပြောကြားခဲ့ သည်။

 ထို့နောက် ရန်ပုံငွေလွဲပြောင်းပေးအပ်ပွဲကို ကျင်းပ ပြုလုပ်ရာ နိုင်ငံစီးပွားမြှင့်တင်မ တည်ထောက်ပံ့ ရန်ပုံငွေ(မွေးမြူရေးကဏ္ဍ) မြို့နယ်​ကော်မတီဥက္ကဌ က ဒညင်းကုန်း ကျေးရွာ မှနွားမွေးမြူရေး လုပ်ကိုင် သူ အိမ်ထောင်စု ၅၀ စုအတွက် တစ်အိမ်ထောင် လျှင် ၁၀ သိန်းနှုန်းဖြင့် စုစုပေါင်းငွေကျပ် သိန်း ၅၀၀ ကို ကျေးရွာကော်မတီဥက္ကဌ ဦးကျော်ဝင်းထံသို့ လွှဲ ပြောင်းပေးအပ်ခဲ့ကြောင်း သိရသည်။

 ထူးနောင်

https://t.me/MyanmarNationalPost