MNP - ဇန်နဝါရီ ၂၇
ရခိုင်ပြည်နယ်၊ရသေ့တောင်မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် အခြေခံပညာဦးစီးဌာနတို့ ပူးပေါင်းကျင်းပသည့် လူငယ်စကားဝိုင်းနှင့်အသိပညာပေးနံရံကပ်စာစောင်နှင့်ဓာတ်ပုံပြပွဲကို ယနေ့ နေ့လည်(၁၂)နာရီအချိန်က မြို့မအထက(၂) ကျောင်းအစည်းအဝေး ခန်းမ၌ ကျင်းပသည်။
ဦးစွာ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဒုတိယဦးစီးမှူး ဒေါ်တင်ဇာဦးက အနာဂတ်ရဲ့မျိုးဆက်သစ်လူငယ်တွေဘက်ပေါင်းစုံမှထူးချွန်ထက်မြတ်ဖို့ဆိုရင်သူတို့ရဲ့အတွေအကြုံဗဟုသုတအများကြီးလိုအပ်ေကြာင်း၊လူငယ်တွေပြောရဲဆိုရဲရှိပြီးနှုတ်မှုစွမ်းရည်တွေတိုးတက်စေဖို့စာပေတွေကနေဗဟုသုတတွေရရှိပြီးအဲဒါကိုသူငယ်ချင်းအချင်းချင်းအသိပညာတွေကိုမျှဝေပေးနိုင်ရန်ပူးပေါင်းဆောင်ရွက်တက်တဲ့အလေ့အကျင့်ကောင်းတွေရရှိ စေရန်ပါဝင်ဝင်ဆွေးနွေးရဲတဲ့အတွေအကြုံနှင့်အသိဉာဏ်တွေရင့်သန်လာစေပို့ရည်ရွယ်ပြီးကျင်းပရတဲ့ပွဲလည်းဖြစ် ကြောင်းဦးဆောင်ဆွေးနွေးပြီး၊မြို့မအထက-၂ဆရာမကြီးဒေါ်ခင်ကြည်က အဖွင့်အမှာစကားပြောကြားပြီး၊မြို့မအထက-၂မှကျောင်းသား၊ ကျောင်းသူလေးများက စကားဝိုင်းဆွေးနွေးကြသည်။
လူငယ်စကားဝိုင်းတွင် မြို့မအထက-၂Grade – 10 မှကျောင်းသူ မအိအိန္ဒြာကျော်က လူငယ်နှင့်အသိပညာခေါင်းစဉ်ဖြင့်လည်းကောင်း၊ မောင်ဘုန်းမြတ်ကျော်က လူငယ်နှင့် ယုံလွယ်ခြင်းခေါင်းစဉ်ဖြင့်လည်းကောင်း၊မဇင်မီထွန်းက လူငယ်နှင့်ပေါင်းသင်းဆက်ဆံရေးခေါင်းစဉ်ဖြင့် လည်းကောင်း၊ မသူဇာအေးငြိမ်းက လူငယ်နှင့် ပညာရေးခေါင်းစဉ်တို့ဖြင့်အသီးသီးဆွေးနွေးကြသည်။
ထို့နောက် ကျောင်းသား၊ ကျောင်းသူများက သိလိုသည်များကိုမေးမြန်းကြရာ
ဦးဆောင်ဆွေးနွေးသူ ကျောင်သား/ကေျာင်းသူတို့မှပြန်လည်ရှင်းလင်းဖြေကြားခဲ့ပြီးနောက် ကျောင်းသား၊ ကျောင်းသူများသည် ကျောင်းဝင်းအတွင်း၌ ရခိုင်ပြည်နယ်အစိုးရအဖွဲ့၏ ဒေသဖွံ့ဖြိုးတိုးတက်ရေးဆောင်ရွက်မှု မှတ်တမ်းဓာတ်ပုံများ၊ သဘာဝဘေး အန္တရာယ်အသိပညာပေး ဓာတ်ပုံများ၊မူးယစ်ဆေးဝါးအန္တာရာယ်ကြိုတင်ကာကွယ်ရေးအသိပညာပေး နှင့်ကလေးအလုပ်သမားပပျောက်ရေးနံရံကပ်စာစောင်များပြသထားမှု အားလှည့်လည်ကြည့်ရှု ခဲ့ကြသည်။
အဆိုပါလူငယ်စကားဝိုင်းဆွေးနွေးပွဲသို့ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှဝန်ထမ်းများ၊လူမှုဝန်ထမ်းဦးစီးဌာနမှဝနထမ်းများ၊မြို့နယ်အား/ကာဦးစီးဌာနမှဝန်ထမ်းများ၊မြို့မအထက(၂)ကျောင်းမှကျောင်းအုပ်ဆရာမကြီးနှင့် ဆရာ၊ ဆရာမများ၊ ကျောင်းသား၊ ကျောင်းသူများ(၃၀၀)ဦးခန့်တက်ရောက်ခဲ့ကြကြောင်းသိရသည်။
ထွန်းလင်းကျော်
https://t.me/MyanmarNationalPost
No comments:
Post a Comment