MNP - ဇန်နဝါရီ ၁
မန္တလေးတိုင်းဒေသကြီး၊ သပိတ်ကျင်းခရိုင်၊ သပိတ်ကျင်းမြို့နယ်တွင် (၇၅)နှစ်မြောက် စိန်ရတုအကြိုအထိမ်းအမှတ် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌဖလား အလွတ်တန်းဘော်လီဘောပြိုင်ပွဲနှင့် ဝါးဖြူတောင်ကျေးရွာအုပ်စု အခြေခံပညာကျောင်းမိသားစု ချစ်ကြည်ရေး ဖိတ်ခေါ်ဘောလုံးပြိုင်ပွဲဖွင့်ပွဲအခမ်းအနားကို ယနေ့နံနက် (၉)နာရီက သပိတ်ကျင်းမြို့နယ် ဝါးဖြူတောင်ကျေးရွာ အခြေခံပညာအထက်တန်းကျောင်း တွင်ကျင်းပပြုလုပ်သည်။
ရှေးဦးစွာမြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးသန်းထိုက်အောင်က အခမ်းအနားတွင် အမှာစကားပြောကြားခဲ့ပြီး မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့် ( ၇)မိုင်ကျေးရွာ အခြေခံပညာအလယ်တန်းကျောင်း၊ ကျောင်းအုပ်ဆရာမကြီး ဒေါ်အေးအေးမြတ်တို့မှ ပြိုင်ပွဲဖွင့်ပွဲကို ဖဲကြိုးဖြတ် ဖွင့်လှစ်ပေးခဲ့ပြီး အခြေခံပညာကျောင်းသူကလေးများက ပန်းပွားအက၊ အေရိုးဗစ်အကများဖြင့် ဖျော်ဖြေခဲ့ကြကာ ပြိုင်ပွဲများ ဆက်လက်ကျင်းခဲ့ရာ တာဝန်ရှိသူများမှ ပြိုင်ပွဲများကို အားပေးကြည့်ရှု့ခဲ့ကြသည်။
အဆိုပါပြိုင်ပွဲသို့ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့်မြို့နယ်စီမံအုပ်ချုပ်ရေးအဖွဲ့ဝင်များ၊ ဝါးဖြူတောင်ကျေးရွာအုပ်စု အခြေခံပညာကျောင်းများမှ ဆရာ/ဆရာမကြီးများ၊ ကျောင်းသား/ ကျောင်းသူများ၊ ကျောင်းသားမိဘများ၊ အားကစားဝါသနာရှင်များ တက်ရောက်ခဲ့ကြသည်။
https://t.me/MyanmarNationalPost
No comments:
Post a Comment