MNP - ဇန်နဝါရီ ၂၇
မွန်ပြည်နယ်၊ပေါင်မြို့နယ်တွင် အရန်မီးသတ်တပ်ဖွဲ့ဝင်များ လေ့ကျင့်ရေး(မွမ်းမံ) သင်တန်းဆင်းပွဲအခမ်းအနားအမှတ်စဉ်(၁/၂၀၂၃) သင်တန်းဆင်းပွဲကိုယနေ့နံနက်ပိုင်းက ဇင်းကျိုက်မြို့ မီးသတ်စခန်း၌ကျင်းပပြုလုပ်ခဲ့ကြောင်းသိရသည်။
အခမ်းအနားတွင်မြို့နယ်စီမံကောင်စီအဖွဲ့ဝင် ဗိုလ်မှူးကျော်နိုင်ဦး ကသင်တန်းဆင်းပွဲ မိန့်ခွန်းပြောကြားရာတွင် အရန်မီးသတ်သည်ပြည်သူအတွက် အားကိုးရသည့် မီးသတ်တပ်ဖွဲ့ဝင် ဖြစ်လာသည့်အတွက်ဂုဏ်ယူပါကြောင်း၊အရန်မီးသတ်အင်အားကိုယခုရှိသည့်အင်အားထက် တိုးပွားလာအောင် ပြည်သူများနှင့်ပူးပေါင်းဆောင်ရွက်ကြဖို့လိုအပ်ပါကြောင်း၊သင်တန်းကပို့ချသည့်သင်ခန်းစာများကို လက်တွေ့အသုံးချနိုင်အောင် သင်ယူထားသည့်အတွက် ဝမ်းမြောက်မိပါကြောင်း ပြောကြားခဲ့သည်။
ထို့နောက် ဒုတိယမြို့နယ်ရဲတပ်ဖွဲ့မှူး ဒုရဲမှူးအောင်လွင် ကသင်တန်းကိုအောင်မြင်စွာတက်ရောက်ခဲ့ကြသည့် သင်တန်းသား (၅၀)ဦးအားသင်တန်းဆင်းလက်မှတ်များကိုပေးအပ်ချီးမြှင့်ခဲ့သည်။
အခမ်းအနားသို့ မြို့နယ်စီမံကောင်စီအဖွဲ့ဝင် ဗိုလ်မှူးကျော်နိုင်ဦးနှင့်အဖွဲ့ဝင်များ၊ မြို့နယ်ရဲတပ်ဖွဲ့ဝင်များ၊မြို့နယ်မီးသတ်ဦးစီးဌာနမှဦးစီးအရာရှိ ဦးမြတ်ကိုကိုနှင့်မီးသတ်တပ်ဖွဲ့ဝင်များ၊ဌာနဆိုင်ရာများတက်ရောက်အားပေးခဲ့ကြောင်း သိရသည်။
ပေါင်မြို့နယ်မီးသတ်တပ်ဖွဲ့အနေဖြင့် အရန်မီးသတ်သင်တန်းကိုဖွင့်လှစ်ခြင်းဖြင့် သဘာဝဘေးကြုံလာပါက ပြည်သူတို့၏ အသက်အိုအိမ်များကိုကာကွယ်စောင့်ရှောက်ရန် ရည်ရွယ်ပါသည်။
https://t.me/MyanmarNationalPost
No comments:
Post a Comment