MNP - ဇန်နဝါရီ ၂၀
ရှမ်းပြည်နယ်(တောင်ပိုင်း)လွိုင်လင်ခရိုင်၊ လွိုင်လင်မြို့၊ ရတနာစည်၊ အမှတ်(၂) ကျောင်းပြင်ပပညာရေးကျောင်းတွင် ယနေ့မွန်းလွဲ ၂ နာရီအချိန်က ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဝန်ထမ်းများက စာဖတ်ရှိန်မြင့်တင်ရေးနှင့် နယ်လှည့်ဟောပြောပွဲကျင်းပပြုလုပ်ပေးခဲ့သည်။
အဆိုပါဟောပြောပွဲတွင် ပြန်/ဆက်ဦးစီးဌာနမှ ဒေါ်နန်းနွမ်းခမ်း (ရုပ်သံကျွမ်းကျင်-၃) မှ ကျောင်းနေအရွယ် ခလေးငယ်များအား ကျောင်းစာအပြင် ပြင်ပဗဟုသုတများလည်းရရှိစေရန် အားလပ်ချိန်တွင် အသိပညာပေးစာအုပ်/ စာစောင်များအား ဖတ်ရှုရန်လိုအပ်ကြောင်းနှင့် စာဖတ်ခြင်း၏ အကျိုးကျေးဇူးများ အကြောင်းအရာတို့ကို ဟောပြောပေးခဲ့ကာ ပညာသင်ကြားနေသော သာမဏေများအား အသိပညာပေး စာအုပ်များ ဖတ်ရှုစေခြင်းနှင့် ပြန်လည်ပြောပြစေခြင်း၊ ဆေးရောင်ခြယ်ပြိုင်ပွဲ ကျင်းပပေးခြင်းတို့ကို ကွင်းဆင်းကာ ဆောင်ရွက်ပေးခဲ့ကြောင်း သိရသည်။
အယ်မင်း
https://t.me/MyanmarNationalPost
No comments:
Post a Comment