MNP - ဇန်နဝါရီ ၂၆
ရန်ကုန်တိုင်းဒေသကြီး ရွှေပြည်သာမြို့နယ်၌ အခြေခံပညာကျောင်းများရှိ အသက်(၅)မှ(၁၂)နှစ်အထိ ကျောင်းသား/ သူများအား ကိုဗစ်-၁၉ရောဂါ ကာကွယ်ဆေးကို (တတိယအကြိမ်)ထိုးနှံပေးလျက်ရှိရာ ယနေ့နံနက်(၉)နာရီအချိန်တွင် အမှတ်(၁၄)ရပ်ကွက်ရှိ အမှတ်(၈)အခြေခံပညာမူလတန်းကျောင်းရှိ ကျောင်းသား/ သူများအား ထိုးနှံပေးလျက်ရှိကြောင်း သိရသည်။
ကျောင်းသား/ သူများ အဆင်ပြေစွာကာကွယ်ဆေးထိုးနိုင်ရေးအတွက် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့်အဖွဲ့ဝင်များ၊ ကျန်းမာရေးဝန်ထမ်းများ၊ ဆရာ/ ဆရာမများ၊ လူမှုကူညီရေးအသင်းအဖွဲ့များက ကူညီဆောင်ရွက်ပေးလျက်ရှိကြောင်း သိရသည်။
ရွှေပြည်သာမြို့နယ်တွင် အခြေခံပညာကျောင်း(၈၄)ကျောင်းရှိပြီး မြို့နယ်ကျန်းမာရေးဦးစီးဌာနရှိ ဆရာ/ ဆရာမများအားအဖွဲ့များခွဲကာ အလှည့်ကျထိုးနှံပေးလျက်ရှိကြောင်း သိရသည်။
နေမျိုးထွန်း
https://t.me/MyanmarNationalPost
No comments:
Post a Comment