MNP - ဇန်နဝါရီ ၇
ဧရာဝတီတိုင်းဒေသကြီး၊ ပုသိမ်ခရိုင်၊ ကန်ကြီးထောင့်မြို့၊ အမှတ် (၃) ရပ်ကွက် ညောင်ငူ Cheng Sheng စက်ရုံ တွင် မြို့နယ်မီးသတ်ဦးစီးဌာနမှ မြို့နယ်ဦးစီးမှူး ဦးမျိုးမြင့်စိုး နှင့် ဝန်ထမ်းများက မီးဘေးအန္တရာယ်ကြိုတင်ကာကွယ်ရေး အသိပညာပေးဟောပြောပွဲနှင့်လက်တွေ့မီးငြှိမ်းသတ်ခြင်းသရုပ်ပြပွဲအား ဇန်နဝါရီလ ၆ ရက်နေ့ နံနက် (၁၀) နာရီအချိန် တွင် ဆောင်ရွတ်ခဲ့ကြောင်းသိရသည်။
အခမ်းအနားတွင် မြို့နယ်မီးသတ်ဦးစီးမှူး ဦးမျိုးမြင့်စိုးက စက်ရုံဝန်ထမ်းများအား မီးဘေးအန္တရာယ် ကျရောက် နိုင်သည့်အခြေအနေများ၊ ကြိုတင်ကာကွယ်ရေးလုပ်ငန်းများနှင့်မီးလောင်မှုဖြစ်ပွါးလာပါက ဆောင်ရွတ်သင့်သည့်လုပ်ငန်း စဥ်များအား အကျယ်တဝင့်ဆွေးနွေးဟောပြောခဲ့ပြီး မီးသတ်ဆေးဗူးများဖြင့်လက်တွေ့မီးငြှိမ်းသတ်မှုအား သရုပ်ပြသ ခဲ့ကြသည်။
ကန်ကြီးထောင့်မြို့နယ် မီးသတ်ဦးစီးဌာနအနေဖြင့် နွေရာသီရောက်ရှိလာပြီဖြစ်သဖြင့် လျှပ်စစ်သုံးစွဲကြသော စက်ရုံ၊ အလုပ်ရုံများ၊ ရုံးဌာနများနှင့်ပြည်သူများ၏ နေအိမ်တိုက်တာအဆောက်အဦများ၏ မီးဘေးအန္တရာယ်ကြိုတင် ကာကွယ်ရေး အသိပညာပေး ဟောပြောပွဲများဆောင်ရွတ်လျှက်ရှိပြီး မြို့နယ်အတွင်းရှိ ဘုရားစေတီပုထိုးများ၊ ဘုန်းတော်ကြီးကျောင်းများ စသည့်ဘာသာသာသနာ အဆောက်အဦများ၏ မီးဘေးအန္တရာယ်မကျရောက်စေရေး လုပ်ငန်း များအား မြို့နယ်လျှပ် စစ်ဓာတ်အားပေးလုပ်ငန်းမှ တာဝန်ရှိသူများနှင့်အတူ အရှိန်အဟုန်မြှင့် လိုက်လံစစ်ဆေးဆောင်ရွတ် လျက်ရှိကြောင်း သိရှိရသည်။
မဇင်
https://t.me/MyanmarNationalPost
No comments:
Post a Comment