MNP - ဖေဖော်ဝါရီ ၂
ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ်ရှိပြည်သူများ ဒေသတွင်းဆီစားသုံးမှု ဖူလုံစေရေးရည်ရွယ်၍ ဆီထွက်သီးနှံနေကြာ မျိုးစေ့ချစိုက်ပျိုးပွဲ အခမ်းအနားကို ယမန်နေ့ ညနေ (၃)နာရီက ချောင်းဖျားကျေးရွာ၊ တောင်သူဦးကျော်မင်း၏ စိုက်ပျိုးမြေ (၅)ဧကတွင် ကျင်းပပြုလုပ်ခဲ့သည်။
အဆိုပါမျိုးစေ့ချ အခမ်းအနားသို့ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးမျိုးကျော်ကျော်နှင့် မြို့နယ်ဌာနဆိုင်ရာများ၊ မြို့နယ်စိုက်ပျိုးရေးဦးစီးဌာန၊ မြို့နယ်ဦးစီးမှူး ဦးဇော်မင်းထွန်းတို့က Super Sun (41)စပ်မျိုးနေကြာမျိုးစေ့များကို စိုက်ပျိုးပေးခဲ့ကြောင်း သိရသည်။
ဒေးဒရဲမြို့နယ်ရှိ ကျေးရွာအုပ်စု(၁၃)စုရှိ၊ တောင်သူ(၁၉၀)ဦး၏ စိုက်ပျိုးဧက(၃၂၀)တွင် ဆီထွက်သီးနှံနေကြာ စိုက်ပျိုးလျက်ရှိရာ မြို့နယ်စီမံအုပ်ချုပ်ရေးအဖွဲ့က အနီးကပ်ကြီးကြပ်မှုဖြင့် သက်ဆိုင်ရာဌာနများကကွင်းဆင်း၍ လိုအပ်ချက်များကို ဖြည့်ဆည်းဆောင်ရွက်ပေးလျက်ရှိကြောင်း သိရသည်။
အေဇာလင်း
https://t.me/MyanmarNationalPost
No comments:
Post a Comment