MNP - ဖေဖော်ဝါရီ ၁
၂၀၂၃ ခုနှစ် သာသနာရေးနှင့်ယဉ်ကျေးမှုဝန်ကြီးဌာန ဝန်ထမ်းမိသားစုများ၏ မြန်မာ့ရိုးရာ စုပေါင်းထမနဲထိုးပြိုင်ပွဲကို ယနေ့မွန်းလွဲ ၃ နာရီတွင် နေပြည်တော်ရှိ သာသနာရေးနှင့် ယဉ်ကျေးမှုဝန်ကြီးဌာန မော်တော်ယာဉ်ရပ်နားကွင်း၌ကျင်းပရာ သာသနာရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး ဦးကိုကို၊ ဒုတိယဝန်ကြီး ဦးအေးထွန်းနှင့် ဒေါက်တာ မိုးဇော်ထွန်း၊ အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ ဒုတိယအမြဲတမ်းအတွင်းဝန် များ၊ ဝန်ထမ်းများနှင့် ဝန်ထမ်း မိသားစုဝင်များ တက်ရောက် အားပေးကြည့်ရှုကြသည်။
ဦးစွာ ပြည်ထောင်စုဝန်ကြီးနှင့် တာဝန်ရှိသူများသည် ဦးစီးဌာန အလိုက် ထမနဲထိုးယှဉ်ပြိုင်နေမှု များကို ကြည့်ရှုအားပေးပြီး ပထမ ဆုရရှိသည့် အနုပညာဦးစီးဌာန အသင်း၊ ဒုတိယဆုရရှိသည့် သာသနာရေးနှင့်ယဉ်ကျေးမှုဝန်ကြီးဌာန ဝန်ကြီးရုံး (သာသနာ ရေး) အသင်းနှင့် တတိယဆုရရှိသည့် သမိုင်းသုတေသနနှင့် အမျိုးသားစာကြည့်တိုက် ဦးစီးဌာန အသင်းတို့ကို ဆုများပေးအပ်ချီးမြှင့်ကြသည်။
အဆိုပါ ၂၀၂၃ ခုနှစ် သာသနာ ရေးနှင့် ယဉ်ကျေးမှုဝန်ကြီးဌာန ဝန်ထမ်းမိသားစုများ၏ မြန်မာ့ရိုးရာထမနဲထိုးပြိုင်ပွဲကို သာသနာရေးနှင့်ယဉ်ကျေးမှုဝန်ကြီးဌာန၊ ဝန်ကြီးရုံး၊ ဦးစီးဌာနများနှင့် တက္ကသိုလ်တို့၏ဝန်ထမ်းမိသားစုအသင်း ခုနစ်သင်းပါဝင် ယှဉ်ပြိုင်ခဲ့ကြောင်း သိရသည်။
https://t.me/MyanmarNationalPost
No comments:
Post a Comment