MNP - ဖေဖော်ဝါရီ ၂၄
မန္တလေးတိုင်းဒေသကြီး၊ မိုးကုတ်မြို့နယ်တွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့် အဖွဲ့ဝင်များ၊ ဌာနဆိုင်ရာတာဝန်ရှိသူများ လုပ်ငန်းညှိနှိုင်း အစည်းအဝေးကို ယနေ့နံနက် ၁၀:၀၀နာရီက မြို့နယ်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမတွင် ပြုလုပ်ခဲ့ကြောင်း သိရသည်။
ရှေ့ဦးစွာ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးအောင်မြင့်ကျော်က ၂၀၂၂-၂၀၂၃ ဘဏ္ဍာရေးနှစ်အတွင်း ခွင့်ပြုထားသည့် တည်ဆောက်ရေး လုပ်ငန်းများကို အရည်အသွေးပြည့်မီပြီး အချိန်မီ ပြီးစီးအောင်ဆောက်ရွက်ရေး၊ ဝန်ထမ်းများ မိမိတို့ ရုံးစိုက်ရာနေရာမှ အသွား/အလာ ပြုလုပ်ရာတွင် လုံခြုံရေးသတိပြုရေး၊ မတ်လ(၈)ရက်နေ့မှစ၍ တက္ကသိုလ်ဝင်တန်း စာမေးပွဲဖြေဆိုတော့မည်ဖြစ်၍ မြန်မာနိုင်ငံရဲတပ်ဖွဲ့နှင့် ဌာနဆိုင်ရာများ ပူးပေါင်းပြီး ဖြေဆိုမည့် ကျောင်းများအလိုက် လုံခြုံရေးတာဝန်များ ချမှတ်ရေးတို့ကို ရှင်းလင်းပြောကြားကာ မြို့နယ်စီမံ အုပ်ချုပ်ရေးအဖွဲ့ ဒုတိယဥက္ကဋ္ဌ ဗိုလ်မှူးကျော်သူရွှေမှ နယ်မြေလုံခြုံရေး၊ လမ်းပန်း ဆက်သွယ်ရေး အခြေအနေများကို ထပ်မံရှင်းလင်းပြောကြားခဲ့သည်။
ထို့နောက် မြို့နယ်အဆင့်ဌာနဆိုင်ရာ တာဝန်ရှိသူများက မိမိတို့၏ လုပ်ငန်းဆောင်ရွက်မှု အခြေအနေများ၊ ဆက်လက်ဆောင်ရွက်မည့် အခြေအနေများကို ဆွေးနွေးတင်ပြရာ တင်ပြချက်များအပေါ် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးအောင်မြင့်ကျော်က လိုအပ်သည်များကို ပေါင်းစပ်ညှိနှိုင်း ဆောင်ရွက်ပေးခဲ့ကြောင်း သိရသည်။
ကြည်ကြည်နွဲ့
https://t.me/MyanmarNationalPost
No comments:
Post a Comment