MNP - ဖေဖော်ဝါရီ ၂၈
ပဲခူးတိုင်းဒေသကြီး နတ်တလင်းခရိုင် ဇီးကုန်းမြို့နယ်၌ ဆောင်းသီနှံ ပဲတီစိမ်း၊ မတ်ပဲများအပြီး သုံးသီးစိုက်တောင်သူများအနေဖြင့် နွေစပါးများကို ထပ်မံစိုက်ပျိုးလျက်ရှိသည်။
ဇီးကုန်းမြို့နယ်တွင် တောင်ညိုဆည်နှင့် ဘော်ဘင်ဆည်တို့မှပို့လွှတ်သော ဆည်ရေဖြင့် နွေစပါး စိုက်ပျိုးလျက်ရှိပြီး၊ ၂၀၂၂-၂၀၂၃ ခုနှစ် နွေစပါးစိုက်ဧက (၆၄၅၇) လျာထားဆောင်ရွက်လျက်ရှိရာ (၂၀၀၉) ဧက စိုက်ပျိုးပြီးစီးပြီဖြစ်ကြောင်း၊ တောင်သူများအနေဖြင့် ရက် ၉၀ စပါးမျိုး၊ ထိုင်းနှံကောက်၊ ရတနာတိုး၊ GW-11၊ ဆင်းသုခနှင့် မှော်ဘီ-၃ စပါးမျိုးများကို အများဆုံးစိုက်ပျိုးထားရှိလျက်ရှိကြောင်းနှင့် လိုအပ်သောမျိုးစပါးများနှင့် စိုက်ပျိုးရေးနည်းစနစ်များကို မြို့နယ်စိုက်ပျိုးရေးဦးစီးဋ္ဌာနမှ ဖြန့်ဖြူးပံ့ပိုးပေးလျက်ရှိကြောင်း သိရသည်။
ဇီးကုန်းမြို့နယ်တွင် မိုးစပါး၊ နွေစပါး နှစ်သီးစိုက် (၁၇၃၆) ဧကနှင့် မိုးစပါး၊ ဆောင်းသီနှံ၊ နွေစပါး သုံးသီးစိုက် (၄၇၂၁) ဧကရှိကြောင်းနှင့် လယ်ယာကဏ္ဍ သီးနှံစိုက်ပျိုးထုတ်လုပ်မှု မြင့်မား တိုးတက်ရေး၊ အရည်အသွေးကောင်းမွန်ရေး၊ ဒေသတွင်းစားနပ်ရိက္ခာ ဖူလုံပိုလျှံစေရေးတို့အတွက် ဆောင်ရွက်လျက်ရှိကြောင်း မြို့နယ်စိုက်ပျိုးရေးဦးစီးဋ္ဌာနမှ သိရသည်။
https://t.me/MyanmarNationalPost
No comments:
Post a Comment