သရက်ချောင်းမြို့နယ်တွင် (၇၆) နှစ်မြောက် ပြည်ထောင်စုနေ့အထိမ်းအမှတ် အမျိုးသား (အလွတ်တန်း)ဖူဆယ်ဘောလုံးပြိုင်ပွဲ ဗိုလ်လုပွဲနှင့် ဆုချီးမြှင့်ပွဲ အခမ်းအနားကျင်းပ

MNP  -    ဖေဖော်ဝါရီ    ၁၂

တနင်္သာရီတိုင်းဒေသကြီး၊ ထားဝယ်ခရိုင်၊ သရက်ချောင်းမြို့နယ်တွင် (၇၆)နှစ်မြောက် ပြည်ထောင်စုနေ့ အထိမ်းအမှတ် မြို့နယ်အားကစားနှင့် ကာယပညာကော်မတီဥက္ကဌဖလား အမျိုးသား(အလွတ်တန်း)ဖူဆယ်ဘောလုံးပြိုင်ပွဲ ဗိုလ်လုပွဲနှင့် ဆုချီးမြှင့်ပွဲ အခမ်းအနားကို ယနေ့နံနက် ၉နာရီအချိန်က သရက်ချောင်းမြို့၊ မြို့မရပ်ကွက်ရှိ မိုးလုံလေလုံအားကစားခန်းမ၌ ကျင်းပခဲ့သည်။

အဆိုပါပြိုင်ပွဲသို့ သရက်ချောင်းမြို့နယ်၊ စီမံအုပ်ချုပ်ရေးအဖွဲ့ ဥက္ကဋ္ဌ ဦးမိုးထွေးနှင့် အဖွဲ့ဝင်များ၊မြို့နယ်အဆင့် ဌာနဆိုင်ရာတာဝန်ရှိသူများ၊ မြို့နယ်အားကစားနှင့် ကာယပညာဦးစီးဌာနမှ ဦးစီးအရာရှိ ဦးဇေယျာဌေးနှင့် ဝန်ထမ်းများ၊ မြို့နယ်အမျိုးသမီးရေးရာအဖွဲ့ ဥက္ကဋ္ဌ ဒေါ်ပြည့်ပြည့်ဝန်းနှင့် အဖွဲ့ဝင်များ၊ ရပ်မိ/ရပ်ဖများတက်ရောက်ကြည့်ရှုအားပေးခဲ့ပြီး ပြိုင်ပွဲအားစတင်ခဲ့သည်။

အဆိုပါပြိုင်ပွဲကို အသင်း(၆)သင်းဖြင့် ဖေဖော်ဝါရီလ (၁၀)ရက်မှစ၍ ယှဉ်ပြိုင်ကစားကြရာ ယနေ့တွင်ဗိုလ်လုပွဲစဉ်ဖြစ် Su O (A)အသင်းနှင့် ဆင်ဖြူပြင်အသင်းတို့ ယှဉ်ပြိုင်ကစားရာ Su O (A)အသင်းက ၂ဂိုးပြတ်ဖြင့်အနိုင်ရ ဗိုလ်စွဲခဲ့သည်။

ဆက်လက်၍ဗိုလ်လုပွဲအပြီးတွင် ဆုချီးမြှင့်ပွဲအခမ်းအနားကျင်းပရာ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးမိုးထွေးဦးနှင့် အဖွဲ့ဝင်များက ပထမရရှိသော Su O (A)အသင်းနှင့် ဒုတိယရရှိသော ဆင်ဖြူပြင်အသင်းတို့အား တစ်ဦးချင်းဆုတံဆိပ်များနှင့် ငွေသားဆုများကိုလည်းကောင်း၊ ပထမရရှိသော Su O (A)အသင်းအား တံခွန်စိုက်ဒိုင်းဆုကိုလည်းကောင်း အသီးသီးဆုချီးမြှင့်ပေးခဲ့ကြောင်း သိရသည်။

ပြည့်ဖြိုးပိုင်

 https://t.me/MyanmarNationalPost