MNP - ဖေဖေါ်ဝါရီ ၁
ရခိုင်ပြည်နယ် မာန်အောင်မြို့နယ် ဘဲအင်းကျေးရွာအုပ်စု၊ဘဲအင်းကျေးရွာတွင်အခြေခံပညာအလယ်တန်းကျောင်း(ခွဲ)အဆင့်တိုးမြှင့် ဖွင့်လှစ်ပွဲ အခမ်းအနားကို ယနေ့နံနက် ၇နာရီခွဲက အဆိုပါကျောင်း၌ ကျင်းပပြုလုပ်ခဲ့သည်။
ရှေးဦးစွာ ကျောင်းဆိုင်းဘုတ်အား မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးမင်းဇော်ဟိန်း၊ အဖွဲ့ဝင်ဗိုလ်မှူးသူရိန်စိုး၊ဦးကျော်မြ၊မြို့နယ်ပြန်ကြားရေးနှင့်ပြည်သူဆက်ဆံရေးဦးစီးဌာန၊မြို့နယ်ဦးစီးမှူးဦးရန်ငြိမ်း ၊မြို့နယ်ပညာရေးမှူးဦးအောင်စံကျော်တို့ကဖဲကြိုးဖြတ် ဖွင့်လှစ်ပေးကြပြီး ဆိုင်းဘုတ်အားအမွှေးနံ့သာရည်များ ပက်ဖျန်းပေးကြသည်။
ထို့နောက် အခမ်းအနားကိုဆက်လက်ကျင်းပရာ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌဦးမင်းဇော်ဟိန်းကအဖွင့်အမှာစကားပြောကြားပြီး မြို့နယ်ပညာရေးမှူး ဦးအောင်စံကျော်က ကျောင်းများ ဖွင့်လှစ်ပေးခြင်းနှင့် အဆင့်တိုးမြှင့်ခြင်းများ ဆောင်ရွက်ရခြင်း အကြောင်းများကို ရှင်းလင်းပြောကြားသည်။ယင်းနောက်ကျောင်းအုပ်ဆရာမကြီးဒေါ်ခင်ဝင်းမှ ကျောင်းသမိုင်းဖြစ်စဥ်နှင့် ကျေးဇူးတင် စကားပြောကြားခဲ့ပြီး ကျောင်းဖွင့်ပွဲ အထိမ်းအမှတ်အလံများအား ပေးအပ်ကာ ကျောင်းသား/သူများကအကပဒေသာများဖြင့် ကပြဖျော်ဖြေခဲ့ကြသည်။
မာန်အောင်မြို့နယ်တွင် ယနေ့ အလားတူအခြေခံပညာအလယ်တန်းကျောင်း(ခွဲ)အဆင့်တိုးမြှင့် ဖွင့်လှစ်ပေးခြင်းကို ညောင်ပင်လှကျေးရွာနှင့်ညောင်ကုန်းကျေးရွာတို့တွင် ဆက်လက် ဖွင့်လှစ်ပေးခဲ့ရာ ကျေးရွာသူ/သားများမှာ ပျော်ရွှင်ဝမ်းမြောက်လျက်ရှိကြောင်းသိရသည်။
သိန်းဖေ
https://t.me/MyanmarNationalPost
No comments:
Post a Comment