MNP - ဖေဖေါ်ဝါရီ ၁၆
ရန်ကုန်တိုင်းဒေသကြီး၊ တောင်ပိုင်းခရိုင်(သန်လျင်)တွင် စာပေချစ်မြတ်နိုးသူများ၊ စာပေဝါသနာပါသူများ၊ စာအုပ်စာစောင် ဖတ်ရှုလိုသူများ၊ လူငယ်လူရွယ်များ အသိပညာ ဗဟုသုတ ရရှိစေရန်၊ ရည်ရွယ်၍ ယနေ့နံနက် ၁၀ နာရီက လူထုအခြေပြုဗဟိုဌာန Community Centre ခန်းမတွင် စာအုပ်စာစောင် ပြပွဲနှင့် နံရံကပ်စာစောင်ပြပွဲ ပြုလုပ် ပြသဆောင်ရွက်ခဲ့ကြောင်း သိရသည်။
ထိုသို့ပြသရာတွင် ကိုဗစ်-၁၉ ဆိုင်ရာ ကျန်းမာရေး အသိပညာပေး အကြောင်းအရာများ၊ စာစောင်များ၊ လျှပ်စစ်ဓါတ်အား ခြိုးခြံချွေတာစွာသုံးစွဲရေးအသိပညာပေးများ၊ မူးယစ်ဆေးဝါး အန္တရာယ် တားဆီးကာကွယ်ရေးဆိုင်ရာ အသိပညာပေး အကြောင်းအရာများကို ပြသထားကြောင်း သိရသည်။
ထို့နောက် စာအုပ်စာစောင်ပြပွဲနှင့် နံရံကပ်စာစောင်ပြပွဲကို စာပေစိတ်ဝင် စားသူပြည်သူများ၊ လူငယ် လူရွယ်များက စိတ်ပါဝင်စားစွာ လာရောက် ကြည့်ရှုလေ့လာကာ သိရှိလိုသည်များကို မေးမြန်းခဲ့ကြောင်း သိရသည်။
https://t.me/MyanmarNationalPost
No comments:
Post a Comment