MNP - ဖေဖော်ဝါရီ ၂၈
စစ်ကိုင်းတိုင်းဒေသကြီး ကန့်ဘလူမြို့နယ်တွင် Grade-5 မူလတန်းပြီးမြောက်မှုစာမေးပွဲနှင့် Grade-9 အလယ်တန်း ပြီးမြောက်မှုစာမေးပွဲကို ဖေဖော်ဝါရီ ၂၂ ရက်က စတင်ဖြေဆိုခဲ့ရာ ယနေ့(ဖေဖော်ဝါရီ ၂၈ ရက်)တွင် G- 5 မူလတန်းပြီး မြောက်မှု စာမေးပွဲမှာပြီးစီးခဲ့ပြီး G- 9 အလယ်တန်းပြီးမြောက်မှု စာမေးပွဲမှာ ဆက်လက်ဖြေဆိုရမည်ဖြစ်ကြောင်း မြို့နယ်ပညာရေးမှူး ရုံးမှ သိရသည်။
ထိုသို့စာမေးပွဲများ ဖြေဆိုခဲ့ရာတွင် G-5 မူလတန်းပြီးမြောက်မှု စာမေးပွဲနောက်ဆုံးနေ့တွင် လူမှုရေးဘာသာကို ဖြေဆိုကြရာတွင် ကျောင်းသား ၅၅၂ ဦး၊ ကျောင်းသူ ၅၆၃ ဦး စုစုပေါင်း ၁၁၁၅ ဦး ဝင်ရောက်ဖြေဆိုခဲ့ကြပြီး G-9 အလယ်တန်းပြီးမြောက်မှု စာမေးပွဲ ပဉ္စမနေ့(ယနေ့) တွင် သမိုင်းဘာသာရပ်ဖြေဆိုရာတွင် ကျောင်းသား ၅၂၀ ဦး၊ ကျောင်းသူ ၅၄၉ ဦး စုစုပေါင်း ၁၀၆၉ ဦး ဝင်ရောက်ဖြေဆိုခဲ့ကြောင်းနှင့် မတ် ၁ ရက်နေ့ (နောက်ဆုံးနေ့)တွင် အထွေထွေ သိပ္ပံဘာသာကို ဆက်လက်ဖြေဆိုရမည်ဖြစ်ကြောင်း သိရသည်။
အောင်ဝင်းငြိမ်း
https://t.me/MyanmarNationalPost
No comments:
Post a Comment