MNP ၊ ဖေဖော်ဝါရီ ၉
ပြည်ထောင်စုသမ္မတမြန်မာနိုင်ငံတော်တွင် နိုင်ငံရေးပါတီများ ဖွဲ့စည်းနိုင်ရေးအတွက် နိုင်ငံတော်စီမံအုပ်ချုပ်ရေးကောင်စီသည် နိုင်ငံရေးပါတီများမှတ်ပုံတင်ခြင်းဥပဒေကို ၂၀၂၃ ခုနှစ်၊ ဇန်နဝါရီ ၂၆ ရက်တွင် နိုင်ငံတော်စီမံအုပ်ချုပ်ရေးကောင်စီ ဥပဒေအမှတ် (၁၅/၂၀၂၃) ဖြင့် ဥပဒေသစ်ပြဋ္ဌာန်းခဲ့ပြီး ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ (USDP)၊ ဖက်ဒရယ်ဒီမိုကရက်တစ်ပါတီ နှင့် မြန်မာပြည်သူ့ဒီမိုကရက်တစ်ပါတီ (MPD) တို့က ဥပဒေ၊ နည်းဥပဒေများနှင့်အညီ နိုင်ငံရေးပါတီအဖြစ် ဆက်လက်တည်ထောင်ခွင့်နှင့် မှတ်ပုံတင်ခွင့်ကို လျှောက်ထားပြီး ဖြစ်ကြောင်း သိရသည်။
ယခင်က နိုင်ငံရေးပါတီ (၉၁)ပါတီ ရှိခဲ့ပြီး နိုင်ငံတော်စီမံအုပ်ချုပ်ရေးကောင်စီသည် နိုင်ငံရေးပါတီများမှတ်ပုံတင်ခြင်းဥပဒေကို ဇန်နဝါရီလ ၂၆ ရက်တွင် နိုင်ငံတော်စီမံအုပ်ချုပ်ရေးကောင်စီ ဥပဒေအမှတ် (၁၅/၂၀၂၃) ဖြင့် ဥပဒေသစ် ထုတ်ပြန်ကြေညာပြီးနောက် တည်ဆဲနိုင်ငံရေးပါတီများအနေဖြင့်လည်း ဆက်လက်ရပ်တည်ဆောင်ရွက်လိုပါက ရက်ပေါင်း (၆၀)အတွင်း ပြန်လည်မှတ်ပုံတင်ရမည်ဟူသော ပြဋ္ဌာန်းချက်ပါရှိသည်။
တည်ဆဲနိုင်ငံရေးပါတီများထဲမှ ဆက်လက်ရပ်တည်မည့် ပါတီ (၃)ပါတီသာ ထွက်ပေါ်လာသေးသည်။
#MyanmarNationalPost
No comments:
Post a Comment