MNP ၊ မတ် ၁၅
မကွေးတိုင်းဒေသကြီး၊ သရက်ခရိုင်၊ ကံမမြို့နယ်၌ ၂၀၂၂-၂၀၂၃ ပညာသင်နှစ် တက္ကသိုလ်ဝင်တန်း စာမေးပွဲအား အခြေခံပညာအထက် တန်းကျောင်း(ကံမ) စာစစ်ဌာနတွင် ဖြေဆိုကျင်းပလျက်ရှိပြီး ယနေ့နံနက် ၉ နာရီက ဇီဝဗေဒဘာသာရပ်နှင့် ဘောဂဗေဒဘာသာရပ်အား ဆက်လက်ဖြေဆိုရာ ကျောင်းသား၊ ကျောင်းသူများ အေးချမ်းစွာဖြေဆိုနိုင်ရေးအတွက် မြို့နယ်စီမံအုပ်ချုပ်ရေးအဖွဲ့၏ ဦးဆောင်မှုဖြင့် ဌာနဆိုင်ရာများ၊ ကျောင်းအကျိုးတော်ဆောင်များ၊ မိဘ၊ ဆရာ အသင်းဝင်များနှင့် လုံခြုံရေးတပ်ဖွဲ့ဝင်များက ကြီးကြပ်စောင့်ရှောက်ပေးလျက်ရှိသည်။
အဆိုပါ ၂၀၂၃-ခုနှစ် တက္ကသိုလ်ဝင်တန်းစာမေးပွဲဖြေဆိုကျင်းပရာတွင် ကံမမြို့နယ်၌ စာစစ်ဌာန (၁)ခုသာရှိပြီး ဇီဝဗေဒဘာသာရပ် ဖြေဆိုရန် စာရင်းရှိ ကျောင်းသား ကျောင်းသူ (၂၄) ဦးရှိပြီး ဖြေဆိုသူ (၂၄)ဦး ဖြေဆိုမှုရာခိုင်နှုန်း ရာနှုန်းပြည့်နှင့် ဘောဂဗေဒဘာသာရပ်တွင် စာရင်းရှိ (၂၀၁)ဦး ဖြေဆိုသူ (၁၈၀)ဦး ဖြေဆိုမှု (၈၉.၅၅)ရာခိုင်နှုန်း ရှိကြောင်း မြို့နယ်ပညာရေးမှူးရုံးမှ သိရသည်။
ကျော်ဇေယျဝင်း
https://t.me/MyanmarNationalPost
No comments:
Post a Comment