MNP ၊ မတ် ၉
မြန်မာနိုင်ငံ ကျန်းမာရေးပညာရပ်ဆိုင်ရာ နှီးနှောဖလှယ် (၂၀၂၃) အကြိုလှုပ်ရှားမှုအဖြစ် ကချင်ပြည်နယ် ပြည်သူ့ကျန်းမာရေးဦးစီးဌာနမှ အထူးကုဆရာဝန်ကြီးများက မြစ်ကြီးနားအကျဉ်းထောင်ရှိ အကျဉ်းသား/အကျဉ်းသူများအား ယနေ့နံနက် ၉ နာရီက အခမဲ့ ကျန်းမာရေး စောင့်ရှောက်မှုလုပ်ငန်းများကို ကွင်းဆင်းဆောင်ရွက်ခဲ့ကြသည်။
ထို့သို့ ကျန်းမာရေးစောင့်ရှောက်မှုများ ကွင်းဆင်းဆောင်ရွက်ရာသို့ ပြည်နယ် ပြည်သူ့ကျန်းမာရေး ဦးစီးဌာန၊ ပြည်နယ်ဦးစီးမှူးဒေါက်တာတင့်နိုင်၊ ပြည်နယ်အကျဉ်းဦးစီးဌာန၊ ပြည်နယ်ဦးစီးမှူး ဦးလင်းဗိုလ်နောင်၊ အထူးကုဆရာဝန်ကြီးများ၊ ကျန်းမာရေးဝန်ထမ်းများ၊ အကျဉ်းဦးစီးဌာနမှ အရာထမ်း/အမှုထမ်းများ ပူးပေါင်း၍ အကျဉ်းထောင်အတွင်းရှိ ဆေးရုံဆောင်၊ ပြင်ပလူနာဌာနနှင့် အကျဉ်းထောင် စာကြည့်တိုက်တို့တွင် စိတ်ကျန်းမာရေးစောင့်ရှောက်ပေးမှုအနေဖြင့် ကျား/မပေါင်း ၂၁ ဦး၊ နား၊ နှာခေါင်းလည်ချောင်းလူနာ ၂၂ ဦး၊ အရိုးအကြောအဆစ်လူနာ ၃၇ ဦး၊ သွားနှင့်ခံတွင်းလူနာ ၆၀ ဦး၊ မျက်စိရောဂါဝေဒနာရှင် ၈၃ ဦးတို့နှင့် အထွေထွေရောဂါလူနာ ၄၃ ဦး၊ စုစုပေါင်းအကျဉ်းသား/ အကျဉ်းသူ ၂၆၆ ဦးတို့အား ကျန်းမာရေးစစ်ဆေးပေးခြင်း၊ ဆေးဝါးကုသပေးခြင်း၊ နှစ်သိမ့်အားပေး ဆွေးနွေးပေးခြင်းတို့ကို ဆောင်ရွက်ပေးခဲ့ကြကြောင်း သိရှိရသည်။
https://t.me/MyanmarNationalPost
No comments:
Post a Comment