MNP ၊ မတ် ၂၂
ရှမ်းပြည်နယ်အရှေ့ပိုင်း၊ မိုင်းယောင်းခရိုင်၊ မိုင်းယုမြို့တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ထုတ်ဝေသည့် (၇၈)နှစ်မြောက် တပ်မတော်နေ့အထိမ်းအမှတ် သတင်းစကားလက်ကမ်းစာစောင်များကို ယနေ့နံနက်ပိုင်းက မြို့ပြန်ကြားရေးနှင့်ပြည်သူ့ဆက်ဆံရေးဦးစီးဌာနဝန်ထမ်းများက အများပြည်သူများ သွားလာရာနေရာသို့၌ သွားရောက် ဖြန့်ဝေပေးခဲ့သည်။
အဆိုပါ လက်ကမ်းစာစောင်တွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တမ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မဟာသရေစည်သူ မင်းအောင်လှိုင်၏ ၂၇-၃-၂၀၂၂ ရက်နေ့ (၇၇)နှစ်မြောက် တပ်မတော်နေ့စစ်ရေးပြအခမ်းအနားတွင် ပြောကြားသည့် မိန့်ခွန်းများ၊ “ပြည်သူချစ်တဲ့ တပ်မတော်၊ နိုင်ငံတော်နှင့် နိုင်ငံသားများ အကျိုးစီးပွားကို ဦးလည်မသုန်ထမ်းရွက်ခဲ့”၊ (၇၈)နှစ်မြောက် တပ်မတော်နေ့ဦးတည်ချက်များ၊ “စွမ်းအားရှိသမျှ ကာကွယ်ပေးမယ်”၊ တပ်မတော်၏အား (၁၀)ပါး၊ တပ်မတော်ဆောင်ပုဒ်များနှင့် တပ်မတော်ဂုဏ်ဆောင်ကာတွန်းများစသည့် အကြောင်းအရာတို့ကို စုံလင်စွာဖြင့် ရေးသားဖော်ပြပေးထားသည်။
ယင်း စုံလင်စွာ ရေးသားဖော်ပြထားသည့် (၇၈)နှစ်မြောက် တပ်မတော်နေ့အထိမ်းအမှတ် သတင်းစကားလက်ကမ်းစာစောင်များကို မြို့ပြန်ကြားရေးနှင့်ပြည်သူ့ဆက်ဆံရေးဦးစီး ဌာန ဝန်ထမ်းများက အများပြည်သူ လူစည်ကားရာ လက်ဖက်ရည်ဆိုင်၊ ကုန်စုံဆိုင်၊ ကွမ်းယာဆိုင်၊ လမ်းဘေးဈေးသည်များနှင့် လမ်းသွားလမ်းလာ ပြည်သူတို့ကို ဖြန့်ဝေပေးခဲ့ကြောင်း သိရသည်။
ကိုကိုနိုင်
https://t.me/MyanmarNationalPost
No comments:
Post a Comment