MNP ၊ မတ် ၁၃
ကချင်ပြည်နယ်၊ လွယ်ဂျယ်မြို့တွင် အသက်(၇၀)အရွယ် အဘိုးအိုအား နေအိမ်အတွင်း ဝင်ရောက်သတ်ဖြတ်သွားမှု ယမန်နေ့က ဖြစ်ပွားခဲ့ကြောင်း သတင်းရရှိသည်။
ဖြစ်စဉ်မှာ လွယ်ဂျယ်မြို့၊ အောင်သစ္စာရပ်ကွက်နေ ကိုအားဝူ သည် မတ် ၁၂ ရက် ညနေ ၅ နာရီခန့်က ၎င်း၏ အိမ်ဆောက်ပစ္စည်းအရောင်းဆိုင်မှ မြို့တွင်းသို့ ထွက်သွားခဲ့ပြီး ည ၇ နာရီခွဲကျော်ခန့်တွင် နေအိမ်သို့ ပြန်လာကာ ဆိုင်ခန်းမီးများအား ဖွင့်ကြည့်စဉ် နေအိမ်၌ တစ်ဦးတည်းကျန်ခဲ့သူ ၎င်း၏ဖခင်ဖြစ်သူ ဦးချိန်တင်ဖ (၇၀)နှစ်သည် ကောင်တာရှေ့၌ ပက်လက်လှန်အနေအထားဖြင့် လည်ပင်းရှေ့ ပြတ်ရှဒဏ်ရာဖြင့် သေဆုံးနေသည်ကို တွေ့မြင်ခဲ့ရသည်။
ဖြစ်စဉ်နှင့်ပတ်သက်ပြီး လွယ်ဂျယ်နယ်မြေရဲစခန်းက (ပ)၈/၂၀၂၃ ရာဇသတ်ကြီးပုဒ်မ ၃၀၂ ဖြင့်အမှုဖွင့်ကာ ပြစ်မှုကျူးလွန်သူအား ဖမ်းဆီးရမိရေးအတွက် ဆက်လက်စုံစမ်းဆောင်ရွက်လျက်ရှိကြောင်း သိရသည်။
#MyanmarNationalPost
No comments:
Post a Comment