MNP ၊ မတ် ၂၃
ပဲခူးတိုင်းဒေသကြီး၊ ပြည်ခရိုင်၊ ပေါက်ခေါင်းမြို့နယ်အတွင်း ၂၀၂၃ ခုနှစ်၊ နွေစပါးလျာထားစိုက်ပျိုးဧက (၁၁၄၁၂)ဧက စိုက်ပျိုးရန်ဆောင်ရွက်ထားရှိရာ တောင်သူများ၏ လယ်မြေများတွင်သတ်မှတ်ကာလအတွင်း ရာနှုန်းပြည့်အမြန်စိုက်ပျိုးပြီးစီးနိုင်ရေးအတွက် တာဝန်ရှိသူများက ယမန်နေ့ကကွင်းဆင်းစစ်ဆေးဆောင်ရွက်ခဲ့ကြောင်း သိရသည်။
ထိုသို့ကွင်းဆင်းစစ်ဆေးဆောင်ရွက်ရာတွင် မြို့နယ်စိုက်ပျိုးရေး၊ မွေးမြူရေးလုပ်ငန်းများကြီးကြပ်မှုကော်မတီအဖွဲ့ဝင်များက တာဝန်ကျကျေးရွာများအလိုက် မြေပြင်ကွင်းဆင်းစစ်ဆေးရာ ယမန်နေ့က ကျွဲပေါင်ပင်ကျေးရွာအုပ်စုအတွင်းရှိ နွေစပါးစိုက်ကွင်းများသို့သွားရောက်ကာ တောင်သူများနှင့်တွေ့ဆုံပြီး နွေစပါးစိုက်ဧကများသတ်မှတ်ကာလအတွင်း ကွင်းပိတ်စိုက်ပျိုးနိုင်ရေး၊ စိုက်ပျိုးနည်းစနစ်များဖြစ်သော ပျိုးထောင်စိုက်ပျိုးခြင်း၊ Dram Seeder (မျိုးစေ့ချကိရိယာ)အသုံးပြု စိုက်ပျိုးသည့်စနစ်များကို ပိုမိုစိုက်ပျိုးရန်တို့ကို မှာကြားဆောင်ရွက်ခဲ့သည်။ ပေါက်ခေါင်းမြို့နယ်တွင် နိုင်ငံ့စီးပွားမြှင့်တင်ရန်ပုံငွေဖြင့်လည်း နွေစပါးဧက(၆၈၈၀)ကို စိုက်ပျိုးမည်ဖြစ်ကြောင်း မြို့နယ်စိုက်ပျိုးရေးဦးစီးဌာနမှ သိရသည်။
သန်းထွန်းအောင်
https://t.me/MyanmarNationalPost
No comments:
Post a Comment