MNP ၊ မတ် ၇
တပ်မတော်နယ်လှည့်ဆေးကုသရေး အထူးကုဆရာဝန်ကြီးများပါဝင်သည့် တပ်မတော်ပင်လယ်သွားဆေးရုံရေယဉ်(သံလွင်)သည် ယနေ့ နံနက် ၈ နာရီက ရခိုင်ပြည်နယ်၊ ရမ်းဗြဲမြို့နယ်၊ ကျောက်နီမော်ကျေးရွာအုပ်စု၊ ဟုံးဝဆိပ်ကမ်းသို့ရောက်ရှိရာ အနောက်ပိုင်းတိုင်းဦးစီးချုပ်ဗိုလ်မှူးချုပ် ကျော်ကျော်သန်း၊ ရမ်းဗြဲမြို့နယ်စီမံအုပ်ချုပ်ရေးအဖွဲ့ ဥက္ကဌ ဦးခင်မောင်သန်းနှင့် စီမံအုပ်ချုပ်ရေးအဖွဲ့ဝင်များ၊ ဌာနဆိုင်ရာဝန်ထမ်းများ၊ မြို့နယ်မိခင်နှင့် ကလေးစောင့်ရှောက်ရေးအသင်းဝင်များ၊ အမျိုးသမီးရေးရာကော်မတီဝင်များနှင့် ဆရာ/ဆရာမများသောင်းသောင်းဖြဖြလှိုက်လှဲစွာကြိုဆိုကြသည်။
ထို့နောက် တပ်မတော်နယ်လှည့်ဆေးကုသရေးအထူးကုဆရာဝန်ကြီးများသည် ကျန်းမာရေးစောင့်ရှောက်မှုလုပ်ငန်းများကိုဆက်လက်ဆောင်ရွက်ပေးရာ ကျောက်နီမော်တိုက်နယ်ဆေးရုံသစ်အတွင်းတွင် ပင်လယ်သွားဆေးရုံရေယာဉ်(သံလွင်) တပ်မတော်နယ်လှည့်ဆေးကုသရေးအဖွဲ့တွင်ပါဝင်သည့် ရောဂါဗေဒပါရဂူ၊ပြည်သူ့ကျန်းမာရေးပါရဂူ၊ မျက်စိ၊ နား နှာခေါင်း လည်ချောင်း၊ သားဖွားမီးယပ်အထူးကုဆရာဝန်ကြီးများ၊ ခွဲစိပ်ပါရဂူ၊ ကလေးအထူးကုဆရာဝန်ကြီး၊ အရိုး အကြော အထူးကုဆရဝန်ကြီးများသွားအထူးကုဆရာဝန်ကြီး၊အထွေထွေရောဂါအထူးကုဆရာဝန်ကြီးများ မေ့ဆေးပါရဂူ၊ဓါတ်ခွဲပါဂူနှင့်ဓါတ်မှန်ပါရဂူတို့သည်ကျောက်နီမော်ကျေးရွာအုပ်စုဒေသအတွင်းရှိ ဆေးကုသလိုသည့် ဒေသခံပြည်သူ များအား ရောဂါရှာဖွေစမ်းသပ်ပေးပြီး လိုအပ်သည့်ဆေးဝါးများဖြင့် (အခမဲ့) ဆေးကုသပေးလျက်ရှိပြီး(၇-၃-၂၀၂၃)ရက်နေ့မှ(၈-၃-၂၀၂၃)နေ့ထိကုသပေးသွားမည်ဖြစ်ကြောင်းသိရသည်။
အောင်နိုင်
https://t.me/MyanmarNationalPost
No comments:
Post a Comment