MNP ၊ မတ် ၈
ရခိုင်ပြည်နယ် ၊ တောင်ကုတ်ခရိုင် ၊ တောင်ကုတ်မြို့နယ်၌ ၂၀၂၂-၂၀၂၃ ပညာသင်နှစ်၊ တက္ကသိုလ်ဝင် စာမေးပွဲ(မြန်မာစာ)ဘာသာရပ်ကို ယနေ့နံနက်(၉)နာရီအချိန်က မြို့ပေါ်ရှိစာစစ်ဌာနများ ဖြစ်သည့် အထက(၁) နှင့် အထက(၄)တို့တွင် အေးချမ်းစွာဖြေဆိုလျက်ရှိကြောင်းသိရသည်။
ထိုသို့ဖြေဆိုရာတွင် အထက(၁)စာစစ်ဌာန တွင် ဖြေဆိုမည့်သူ စာရင်းရှိ (၅၀၀)ဦးရှိသည့်အနက် ဖြေဆိုသူ(၄၂၈)ဦး ၊ ပျက်ကွက်သူ(၇၂)ဦး ရှိပြီး အထက(၄) စာစစ်ဌာနတွင် ဖြေဆိုမည့်သူ စာရင်းရှိ (၂၂၈)ဦးရှိသည့်အနက် ဖြေဆိုသူ(၁၈၄)ဦး ၊ ပျက်ကွက်သူ(၄၄)ဦးရှိကြောင်းနှင့် ဖြေဆိုမှုရာခိုင်နှုန်းမှာ အထက(၁) တွင် (၈၆)ရာခိုင်နှုန်း ၊ အထက(၄)တွင် (၈၁)ရာခိုင်နှုန်းရှိကြောင်း မြို့နယ်ပညာရေးမှူးရုံးမှ သိရသည်။
စာစစ်ဌာနများတွင် စာမေးပွဲဖြေဆိုနေကြသည့် ကျောင်းသား ၊ ကျောင်းသူများ အေးချမ်းစွာဖြေဆို နိုင်ရန်အတွက် ခရိုင်အုပ်ချုပ်ရေးမှူး ဦးကျော်မြင့်လှိုင် ၊ တောင်ကုတ်တက္ကသိုလ် ပါမောက္ခချုပ် ဒေါက်တာ သန်းထွဋ်လွင် နှင့်ဌာနဆိုင်ရာများက ကြီးကြပ်ဆောင်ရွက်လျက်ရှိကြောင်းသိရသည်။
https://t.me/MyanmarNationalPost
No comments:
Post a Comment