MNP ၊ မတ် ၂၅
(၇၈) နှစ်မြောက်တပ်မတော်နေ့ကို ကြိုဆိုဂုဏ်ပြုသောအားဖြင့် ရန်ကုန်တိုင်း ဒေသကြီး၊ တွံတေးခရိုင်၊ ကွမ်းခြံကုန်းမြို့နယ်၊ မြို့ရှောင်ကွန်ကရစ် လမ်းသစ်ဖွင့်ပွဲကို ယမန်နေ့က အဆိုပါ မြို့ရှောင်လမ်းရှိမုဒ်ဦးရှေ့၌ ကျင်းပခဲ့ကြောင်း သိရသည်။
လမ်းဖွင့်ပွဲတွင် ရန်ကုန်တိုင်းဒေသကြီး၊ လမ်းဦးစီးဌာနမှ ညွှန်ကြားရေးမှူး (မြို့ပြ) ဦးထင်ကျော်က လမ်းနှင့်ပတ်သက်၍ ရှင်းလင်းပြောကြားပြီး ဖဲကြိုးဖြတ်ဖွင့်ပွဲ အခမ်းအနားတွင် ရန်ကုန်တိုင်းစစ်ဌာနချုပ်၊ တိုင်းမှူးဗိုလ်ချုပ်ညွန့်ဝင်းဆွေ၊ ရန်ကုန်တိုင်းဒေသကြီးအစိုးရအဖွဲ့ လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ဝင်းတင့်၊ ရန်ကုန်မြို့တော်စည်ပင်သာယာရေးကော်မတီ မြို့တော်ဝန် ဦးဗိုလ်ဋ္ဌေး၊ ရန်ကုန်တိုင်းဒေသကြီးအစိုးရအဖွဲ့၊ စီးပွားရေးရာဝန်ကြီး ဦးမျိုးမြင့်အောင်၊ ရန်ကုန်တိုင်းဒေသကြီးအစိုးရအဖွဲလမ်းပန်းဆက်သွယ်ရေးဝန်ကြီး ရဲမှူးချုပ် မျိုးမင်းထိုက်တို့မှ ဖဲကြိုးဖြတ်ဖွင့်လှစ်ပေးကာ စုပေါင်းမှတ်တမ်းတင် ဓာတ်ပုံရိုက်ကူး ကြကြောင်း သိရသည်။
ဆက်လက်၍ တိုင်းမှူးနှင့် အဖွဲ့ဝင်များက မြို့ရှောင်ကွန်ကရစ်လမ်းသစ်အား ကြည့်ရှုစစ်ဆေးခဲ့ကြောင်း သိရသည်။ ကွမ်းခြံကုန်းမြို့ ရှောင်လမ်း၏ အရှည်မိုင်(၂)မိုင် (၄)ဖာလုံ၊ အကျယ်ပေ(၂၄)ပေ ဖြစ်ပြီး အဆိုပါ လမ်းကို တိုင်းဒေသကြီး ငွေလုံငွေရင်းရန်ပုံငွေဖြင့် ၂၀၁၉-၂၀၂၀ ဘဏ္ဍာနှစ်မှ စတင်ဆောင်ရွက်ခဲ့ရာ ၂၀၂၂-၂၀၂၃ ဏ္ဍာနှစ်တွင် အောင်မြင်စွာဆောင်ရွက်ပြီး စီးသော ကွန်ကရစ်လမ်းသစ်ဖြစ်ကြောင်း သိရသည်။
ဆွေနွယ်
https://t.me/MyanmarNationalPost
No comments:
Post a Comment