MNP ၊ မတ် ၁၈
ပုဗ္ဗသီရိမြို့နယ်အတွင်းရှိ ပုဂ္ဂလိက ကျန်းမာရေးလုပ်ငန်းများအား နေပြည်တော်ကုသရေးဦးစီးဌာန လက်အောက်ရှိ ပုဂ္ဂလိက ကျန်းမာရေးလုပ်ငန်းဆိုင်ရာ ကြီးကြပ်မှုကော်မတီမှ ယမန်နေ့ မွန်းလွဲပိုင်းက ကွင်းဆင်းစစ်ဆေးခဲ့ကြောင်း သိရသည်။
အဆိုပါ ကွင်းဆင်းစစ်ဆေးရာတွင် ပုဗ္ဗသီရိမြို့နယ်၊ ကုတင် (၅၀) ပြည်သူ့ကျန်းမာရေးဦးစီးဌာနမှူး ဒေါက်တာ သိမ့်သိမ့်ထွေးနှင့် တာဝန်ရှိသူများ၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်မီးသတ်ဦးစီးဌာန၊ မြို့နယ်စည်ပင် သာယာရေးဦးစီးဌာန၊ မြို့နယ်ရဲတပ်ဖွဲ့တို့မှ တာဝန်ရှိသူ များသည် ဇ၀နဒီပရပ်ကွက်၊ ဇော်ဂျီလမ်းရှိ ဗာကုလအထူး ကုဆေးခန်း၊ ရွှေလီ(၃)လမ်းရှိ ထွန်းသစ် ဆန်းမြိုင် အထူးကုဆေးခန်း၊ ရွှင်လန်းချမ်းမြေ့ အထူးကုဆေးခန်း၊ ယုဇနလမ်း ရှိအောင် မြင်သုခအထွေထွေရောဂါ အထူးကုဆေးခန်းတို့အား သတ်မှတ်လိုင်စင် စည်းကမ်းနှင့် အညီ ဖွင့်လှစ်ထားမှု ရှိ၊ မရှိ ကွင်းဆင်းစစ်ဆေးခဲ့ကြောင်း သိရသည်။
သန္တာလင်း
https://t.me/MyanmarNationalPost
No comments:
Post a Comment