MNP ၊ မတ် ၈
၂၀၂၂-၂၀၂၂၃ ပညာသင်နှစ်၊တက္ကသိုလ်ဝင်စာမေးပွဲကို မြန်မာနိုင်ငံတစ်ဝှမ်းတွင် မတ်လ၈ရက်နေ့တွင် စတင်ဖြေဆိုလျက်ရှိရာရခိုင်ပြည်နယ် မာန်အောင်မြို့နယ်မှ တက္ကသိုလ်ဝင်စာမေးပွဲ မြန်မာစာဘာသာရပ်ကို ကျောင်းသား၊ကျောင်းသူ(၃၆၁)ဦးမှ အေးချမ်းစွာဖြင့် ဝင်ရောက်ဖြေဆိုလျက်ရှိကြောင်းသိရသည်။
ထိုသို့စာမေးပွဲ စစ်ဆေးခြင်းကို မတ်လ(၈)ရက်နေ့မှ(၁၈)ရက်နေ့ထိ တစ်နေ့လျှင်တစ်ဘာသာနှုန်းဖြင့် နံနက်၉နာရီမှ၁၂နာရီထိ၃နာရီမေးခွန်းလွှာကို သက်ဆိုင်ရာစာစစ်ဌာန အသီးသီးတွင် စစ်ဆေးလျှက်ရှိရာ တာ ဝန်ကျဆရာ၊ ဆရာမများမှစနစ်တကျကြီးကြပ်ဆောင်ရွက်လျက်ရှိပြီးတက္ကသိုလ်ဝင်စာမေး ပွဲ ခရိုင်ကြီးကြပ်မှုအဖွဲ့ခေါင်းဆောင်နှင့်အဖွဲ့ဝင်များ၊မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့်အဖွဲ့ဝင်များ၊ဌာနဆိုင်ရာများက ကျောင်းသား၊ကျောင်းသူဖြေဆိုနေမှုအားလှည့်လည် ကြည့်ရှုအားပေးခဲ့ကြောင်းသိရသည်။
မာန်အောင်မြို့နယ်တွင် စာစစ်ဌာနများဖြစ်သည့် အ-ထ-က မာန်အောင်နှင့်အ-ထ-က(ခွဲ)စျေးတန်းစာစစ်ဌာန(၂)ခုရှိရာ စာစစ်ဌာနများတွင် ဖြေဆိုရန်စာရင်းရှိကျောင်းသား၊ကျောင်းသူ (၄၂၃)ဦးရှိသည့်အနက်ဖြေဆိုသူ (၃၆၁) ဦး၊ ပျက်ကွက်သူ(၆၂)ဦးရှိရာဖြေဆိုမှုရာခိုင်နှုန်း (၈၅.၃)ရာခိုင်နှုန်းရှိကြောင်း မြို့နယ်ပညာရေးမှူးရုံးမှသိရသည်။
ဦးသိန်းဖေ
https://t.me/MyanmarNationalPost
No comments:
Post a Comment