MNP ၊ မတ် ၂၂
သာသနာရေးနှင့်ယဉ်ကျေးမှုဝန်ကြီးဌာန၊ သာသနာရေးဦးစီးဌာနမှ နှစ်စဉ်ပြုလုပ်ကျင်းပသည့် အစိုးရဓမ္မာစရိယစာမေးပွဲ နှင့် ပါဠိပထမပြန်စာမေးပွဲအား စစ်ကိုင်းတိုင်းဒေသကြီးရွှေဘိုမြို့ အမှတ်(၄) ရပ်ကွက်ရှိ သာသနာ့ဗိမ္မာန်တော်ကြီးတွင် ယမန်နေ့ နေ့လယ်ပိုင်းက ကျင်းပပြုလုပ်ရာ ကျောင်းတိုက်အသီးသီးမှ စာဖြေသံဃာတော်များ အေးချမ်းစွာဖြင့် ဝင်ရောက် ဖြေဆိုလျက်ရှိ သည်။
စာမေးပွဲ ဖြေဆိုနေကြသည့် ရဟန်း၊ သံဃာတော်နှင့် သီလရှင်များ စိတ်အေးချမ်းမြေ့စွာ ဖြေဆို နိုင်ရေးအတွက် မြို့နယ်သံဃနာယကဉက္ကဋ္ဌ ဆရာတော်အပါအဝင် ကြီးကြပ်ဆရာတော်များအား၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးဇော်မျိုးဝင်းနှင့် တာဝန်ရှိသူများ၊ မြို့မိမြို့ဖများ၊စေတနာရှင် အလှူရှင်များက သွားရောက်ဖူးမျှော်ကြည်ညိုခဲ့ပြီး ရေသန့်၊ အချိုရည်များ လှူဒါန်းပေးခဲ့ကြောင်း သိရပြီး ခရိုင်/မြို့နယ်အဆင့် ဌာနဆိုင်ရာ တာဝန်ရှိသူများက ကျန်းမာရေး စောင့်ရှောက်မှုများ အပါအဝင် လိုအပ်သည်များကို ကူညီစောင့်ရှောက်ပေးလျက်ရှိကြောင်း သိရသည်။
အဆိုပါ စာမေးပွဲအား မတ်လ ၂၁ ရက်နေ့မှ ဧပြီလ ၃ ရက်နေ့အထိ ပြုလုပ်ကျင်းပသွားမည်ဖြစ်ပြီး ပထမနေ့၌ ပါရာဇိကကဏ္ဍ ပါဠိအဋ္ဌကထာကျမ်းအား စာဖြေသံဃာတော်(၂၉၆)ပါး၊ သီလရှင် (၃၈)ပါး စုစုပေါင်း(၃၃၄)ပါး ဖြေဆိုလျက် ရှိကြောင်း သိရသည်။
https://t.me/MyanmarNationalPost
No comments:
Post a Comment