MNP ၊ မတ် ၂၀
မွန်ပြည်နယ်၊ မော်လမြိုင်ခရိုင်၊ သံဖြူဇရပ်မြို့နယ်၌ နွေရာသီကျောင်းပိတ်ရက် ကျောင်းသား လူငယ်များအား လူငယ်အသိပညာပေးဟောပြောပွဲကို ယနေ့နံနက် ၁၀ နာရီအချိန်က သံဖြူဇရပ်မြို့နယ် မွန်ဓမ္မာရုံခန်းမ၌ ကျင်းပခဲ့သည်။
လူငယ်အသိပညာပေးဟောပြောပွဲကို နွေရာသီကျောင်းပိတ်ရက် ကျောင်းသားလူငယ်များ အချိန်ကိုအကျိုးရှိစွာ အသုံးချတတ်စေရန်နှင့် လူ့စွမ်းအားအရင်းအမြစ်ဖွံဖြိုးစေရန်ရည်ရွယ်၍ ဗုပ္ဖဟံသာပညာရေးဖောင်ဒေးရှင်းမှ ဆရာတော်ကဦးစီးပြီးဖွင့်လှစ်သည့် ကွန်ပျူတာ၊ အင်္ဂလိပ်စာနှင့် အခြေခံမွန်စာပေများ သင်ကြားဖွင့်လှစ်သည့် သင်တန်းတွင် တက်ရောက်နေသည့် သင်တန်းသား/သင်တန်းသူ ကျောင်းသားလူငယ်များအား မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန ဦးစီးအရာရှိ ဒေါ်အေးအေးသီက စာဖတ်ရှိန်မြှင့်တင်ရေးအနေဖြင့် စာဖတ်ခြင်း၏ အကျိုးကျေးဇူးနှင့် နွေရာသီကျောင်းပိတ်ရက်များတွင်း မြို့နယ်ရုံးစာကြည့် တိုက်သို့လာရောက်၍ ဗဟုသုတစာပေများကို ဖတ်ရှုကြစေရေး ဟောပြောသည်။
ပြန်ကြားရေးနှင့်ပြည်သူ့ဆက်ဆံရေးဦးစီးဌာနသည် ပြည်သူအသိပညာပေးဟောပြောပွဲများကို စဉ်ဆက်မပြတ် ဆောင်ရွက်ပေးလျက်ရှိကြောင်း သိရသည်။
https://t.me/MyanmarNationalPost
No comments:
Post a Comment