MNP ၊ မတ် ၉
၂၀၂၂-၂၀၂၂၃ ပညာသင်နှစ်၊တက္ကသိုလ်ဝင်စာမေးပွဲကို မြန်မာနိုင်ငံတစ်ဝှမ်းတွင် မတ်လ၈ရက်နေ့တွင် စတင်ဖြေဆိုလျက်ရှိရာရခိုင်ပြည်နယ် မာန်အောင်မြို့နယ်မှ တက္ကသိုလ်ဝင်စာမေးပွဲ ဒုတိယနေ့အင်္ဂလိပ်စာဘာသာရပ်ကို ကျောင်းသား၊ကျောင်းသူ(၃၆၀)ဦး အေး ချမ်းစွာဖြင့် ဝင်ရောက်ဖြေဆိုလျက်ရှိကြောင်းသိရသည်။
ထိုသို့စာမေးပွဲ စစ်ဆေးခြင်းကို မတ်လ(၈)ရက်နေ့မှ(၁၈)ရက်နေ့ထိ တစ်နေ့လျှင်တစ်ဘာသာနှုန်းဖြင့် နံနက်၉နာရီမှ၁၂နာရီထိ၃နာရီမေးခွန်းလွှာကို သက်ဆိုင်ရာစာစစ်ဌာန အသီးသီးတွင် စစ်ဆေးလျှက်ရှိရာ တာ ဝန်ကျဆရာ၊ ဆရာမများမှ စနစ်တကျကြီးကြပ်ဆောင်ရွက်လျက်ရှိပြီးတက္ကသိုလ်ဝင်စာမေး ပွဲ ခရိုင်ကြီးကြပ်ရေးအဖွဲ့ဝင်များ၊မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့်အဖွဲ့ဝင်များ၊ဌာနဆိုင်ရာများ၊ရပ်ကွက်အုပ်ချုပ်ရေးမှူးများက ကျောင်းသား၊ကျောင်းသူများ အေးချမ်းပျော်ရွှင်စွာဖြေဆိုနိုင်ရေးအတွက်လိုအပ်သည်များကိုပံ့ပိုးကူညီဆောင်ရွက်ခဲ့ကြသည်။
မာန်အောင်မြို့နယ်တွင် စာစစ်ဌာနများဖြစ်သည့် အ-ထ-က မာန်အောင်နှင့်အ-ထ-က(ခွဲ)စျေးတန်းစာစစ်ဌာန(၂)ခုရှိရာ စာစစ်ဌာနများတွင် ဖြေဆိုရန်စာရင်းရှိကျောင်းသား၊ကျောင်းသူ (၄၂၃)ဦးရှိသည့်အနက်ဖြေဆိုသူ (၃၆၀) ဦး၊ ပျက်ကွက်(၆၃)ဦးရှိရာဖြေဆိုမှုရာခိုင်နှုန်း (၈၅•၁၁)ရာခိုင်နှုန်းရှိကြောင်း မြို့နယ်ပညာရေးမှူးရုံးမှသိရသည်။
ဦးသိန်းဖေ
https://t.me/MyanmarNationalPost
No comments:
Post a Comment