MNP - မတ် ၄
ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်၌ ၂၀၂၂-၂၀၂၃ ပညာသင်နှစ်အတွက် တက္ကသိုလ်ဝင်စာမေးပွဲများကို လာမည့်မတ်လ ၈ ရက်နေ့တွင် စတင်ကျင်းပတော့မည်ဖြစ်ရာ မြို့နယ်အတွင်း စာစစ်ဌာနပြုလုပ်မည့် အခြေခံပညာ အထက်တန်းကျောင်း (အ-ထ-က-၁)အား မီးဘေးကြိုတင်ကာကွယ်ရေးစစ်ဆေးခြင်းကို ယမန်နေ့နံနက်ပိုင်းက မြို့နယ်မီးသတ်ဦးစီးဌာနနှင့် ဌာနဆိုင်ရာပူးပေါင်းအဖွဲ့မှ ဆောင်ရွက်ခဲ့သည်။
ထိုသို့ စစ်ဆေးရာတွင် ခရမ်းမြို့နယ် မီးသတ်ဦးစီးမှူး ဦးမြတ်စိုးမိုးနှင့် မီးသတ်တပ်ဖွဲ့ဝင်များ၊ လျှပ်စစ်ဌာန တာဝန်ရှိသူများ၊ မြို့နယ်ပညာရေးမှူးရုံးမှ တာဝန်ရှိသူများက အ-ထ-က (၁) ကျောင်း စာစစ်ဌာနအတွင်းရှိ စာမေးပွဲဖြေဆိုမည့်အခန်းများတွင် လျှပ်စစ်မီးသွယ်တန်းထားရှိသည့် အခြေအနေများ၊ လျှပ်စစ်မီးခလုတ်များ တပ်ဆင်ထားရှိမှု အခြေအနေများ၊ အရေးပေါ် မီးသတ်ဆေးဘူးထားရှိဆောင်ရွက်ထားမှု၊ ကျောင်းတွင်းရှိ ရေကန် ရေဖြည့်ဆောင်ရွက်ထားရှိမှု၊ ကျောင်းနှင့်ကျောင်းပတ်ဝန်းကျင်သန့်ရှင်းရေး ဆောင်ရွက်ထားရှိမှုနှင့် ကျောင်းသား၊ ကျောင်းသူများ စာမေးပွဲဖြေဆိုနေစဉ် ကာလလုံခြုံရေးဆောင်ရွက်မည့် နေရာများအားလိုက်လံ ကြည့်ရှုစစ်ဆေးခဲ့သည် ခရမ်းမြို့နယ်၌ ၂၀၂၂-၂၀၂၃ ပညာသင်နှစ် တက္ကသိုလ်ဝင်စာမေးပွဲအတွက် အခြေခံပညာအထက်တန်းကျောင်း (အ-ထ-က-၁) စာစစ်ဌာန တစ်ခုထားရှိပြီးကျောင်းသား၊ ကျောင်းသူ ၃၄၇ ဦးမှ စာမေးပွဲဝင်ရောက်ဖြေဆိုရန် စာရင်းပေးသွင်း ထားကြောင်း မြို့နယ်ပညာရေးမှူးရုံးမှ သိရသည်။
ကိုမင်း
https://t.me/MyanmarNationalPost
No comments:
Post a Comment