MNP ၊ မတ် ၁၅
ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန လူထုအခြေပြုဗဟိုဌာန (Community Centre )ခန်းမ၌ ယမန်နေ့ နေ့လယ်ပိုင်း က စာဖတ်စွမ်းရည်ပြိုင်ပွဲနှင့်စကားပုံဆက်ပြိုင်ပွဲကို ကျင်းပပြုလုပ်ခဲ့သည်။
ရှေးဦးစွာ ပြန်ကြားရေးနှင့်ပြည်သူ့ဆက်ဆံရေး ဦးစီးဌာန၊ ရွှေတောင်မြို့နယ်ရုံးမှ ဦးစီးအရာရှိ
ဒေါ်ငြိမ်းငြိမ်းသန့်က ပြိုင်ပွဲ ကျင်းပရခြင်းနှင့်ပတ်သက်၍ မျိုးဆက်သစ်ကျောင်းသားကျောင်းသူလူငယ်များ အချိန်ကိုအကျိုးရှိစွာ အသုံးချတတ်စေရန်၊ အသိပညာဗဟုသုတတိုးပွားစေရန်၊ ဉာဏ်ရည် ဉာဏ်သွေးထက်မြက်ပြီး ပြောရဲဆိုရဲသည့် သတ္တိတွေမွေးမြူပေးနိုင်ရန် ရည်ရွယ်ကျင်းပခြင်းဖြစ်ကြောင်းနှင့် ပြိုင်ပွဲ စည်းကမ်းများကို ရှင်းလင်းပြောကြားခဲ့သည်။
ထို့နောက် ဒို့ကျေးရွာဂျာနယ် အတွဲ-၂၀၊ အမှတ်(၅) ၊စာမျက်နှာ-၁၀ပါ ပညာကိုမြတ်နိုးတတ်သော ဆောင်းပါးဖြင့် စာဖတ်စွမ်းရည်ပြိုင်ပွဲနှင့် မြန်မာရိုးရာ စကားပုံဆက်ပြိုင်ပွဲကိုဆက်လက်ကျင်းပရာ မှ ကျောင်းသား၊ ကျောင်းသူ (၁၅) ဦး ဝင်ရောက် ယှဉ်ပြိုင်ခဲ့ကြသည်။
ဆက်လက်၍ စာဖတ်စွမ်းရည်ပြိုင်ပွဲနှင့် စကားပုံဆက်ပြိုင်ပွဲတွင်ဆုရရှိသူ ကျောင်းသား ကျောင်းသူ များကို တာဝန်ရှိသူတို့မှ ဆုများနှင့် ဆုလက်ဆောင်များအသီးသီးချီးမြှင့်ခဲ့ကြကြောင်း သိရှိရသည်။
https://t.me/MyanmarNationalPost
No comments:
Post a Comment