MNP ၊ မတ် ၁၄
တနင်္သာရီတိုင်းဒေသကြီး၊ ထားဝယ်ခရိုင်၊ ရေဖြူမြို့နယ်၊ မြို့နယ်ကြက်ခြေနီအသင်း၏ လုပ်ငန်းညှိနှိုင်းအစည်းအဝေးကို ရေဖြူမြို့နယ်၊ လူထုအခြေပြုဗဟိုဌာန (Community Center) တွင် ယနေ့ နံနက်(၉) နာရီကပြုလုပ်ခဲ့ကြောင်း သိရသည်။
အဆိုပါ အစည်းအဝေးတွင် ရေဖြူမြို့နယ် ကြက်ခြေနီအသင်း ဥက္ကဋ္ဌ ဦးခင်မောင်မြင့်က မြို့နယ် ကြက်ခြေနီတပ်အသင်း၏ ရှေ့လုပ်ငန်းစဥ်များ၊ လူမှုဂရုဏာကူညီရေး လုပ်ငန်းဆောင်ရွက်နေမှု၊ သင်တန်းများဖွင့်လှစ်ပေးနေမှုတို့ကိုရှင်းလင်းပြောကြားသည်။
ထို့နောက် အစည်းအဝေးတက်ရောက်လာသည့် ကြက်ခြေနီအသင်းဝင်များက သင်တန်းဖွင့်လှစ်နိုင်မှု၊ ရန်ပုံငွေရရှိမှု၊ တစ်လတာအတွင်း ပရဟိတလုပ်ငန်းများဆောင်ရွက်နိုင်မှုတို့ကို တင်ပြကြရာ မြို့နယ်ကြက်ခြေနီအသင်းဥက္ကဋ္ဌ ဦးခင်မောင်မြင့်က တင်ပြလာသည့်အပေါ် ပြန်လည် ရှင်းလင်းဆွေးနွေးညှိနှိုင်းပေးခဲ့ပြီး အဆိုပါအစည်းအဝေးကိုကြက်ခြေနီအသင်းဝင် (၁၅)ဦးတို့ တက်ရောက်ဆွေးနွေးကြကြောင်း သိရသည်။
ခတ္တာ
https://t.me/MyanmarNationalPost
No comments:
Post a Comment