MNP ၊ ဧပြီ ၁၉
ရခိုင်ပြည်နယ် မာန်အောင်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ စာဖတ်ရှိန်မြှင့်တင်ရေး Mobile Libraryစနစ်ဖြင့် စာဖတ်သူများ လက်ဝယ်အရောက် စာအုပ်စာစောင်များ (အခမဲ့)ငှားရမ်း ပေးလျက်ရှိရာ ယနေ့ မွန်းလွဲ၁နာရီကရန်အောင်မြင်ရပ်ကွက်သို့ သွားရောက်ပြီး ရပ်ကွက်နေ စာဖတ်ပရိတ်သတ် ပြည်သူများအား စာအုပ် စာစောင်များကို အခမဲ့ငှားရမ်းပေးခဲ့သည်။
ထိုသို့ စာအုပ် စာစောင်များ(အခမဲ့)ငှားရမ်းပေးရာတွင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဝန်ထမ်းများက အလုပ်မအားလပ်၍ စာကြည့်တိုက်သို့ မလာရောက်နိုင်သည့် စာဖတ် ပရိတ်သတ်ပြည်သူများအားအသိပညာ ဗဟုသုတ တိုးပွားစေရေးနှင့် စာအုပ် စာပေများကို ဖတ်ရှုသည့်အလေ့အထကောင်းများ ရရှိစေရေး၊စာဖတ်ရှိန်မြှင့်တင်ရေးရည်ရွယ်ပြီးသုတ၊ ရသ ၊ ဝတ္တုစာအုပ်များ၊ မဂ္ဂဇင်း၊ ရုပ်ပြစာအုပ်များကို ရန်အောင်မြင်ရပ်ကွက်ရှိစာဖတ် ပရိတ်သတ် ပြည်သူများအား(အခမဲ့)ငှားရမ်းပေးခဲ့သည်။
အဆိုပါ မိုဘိုင်းစနစ်ဖြင့် စာအုပ်၊စာစောင်များ အခမဲ့ငှားရမ်းပေးရာတွင် တစ်ပတ်ပြည့်လျှင် စာအုပ် စာစောင်အသစ်ဖြင့်အပတ်စဥ် လဲလှယ်ငှားရမ်း ပေးလျက်ရှိကြောင်းသိရသည်။
ဦးသိန်းဖေ
https://t.me/MyanmarNationalPost
No comments:
Post a Comment