MNP ၊ ဧပြီ ၆
ရှမ်းပြည်နယ်(မြောက်ပိုင်း)၊ ကျောက်မဲခရိုင်၊လူထုအခြေပြုဗဟိုဌာန (Community Centre) ခန်းမတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် စာအုပ်စာစောင်ချစ်မြတ်နိုးသူ ကျောင်းသား/သူများ ပူးပေါင်း၍ သုတပဒေသာနှင့်လူငယ်ရေးရာစာစောင် အတွဲ(၄၉)၊အမှတ် (၅)တွင်ပါဝင်သော စာရေးဆရာ နေညိုယဥ် ရေးသားထားသည့် "ပူးပေါင်းဆောင်ရွက်တတ်သောပညာ" ခေါင်းစဥ်ဖြင့် စာဖတ်ဝိုင်းကို ဧပြီလ ၄ ရက် မွန်းလွှဲ ၁ နာရီအချိန်က ကျင်းပပြုလုပ်ခဲ့ကြောင်း သိရသည်။
ရှေးဦးစွာ ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန လက်ထောက်ညွှန်ကြားရေးမှူး ဒေါ်နှင်းရည်က စာဖတ်ဝိုင်းပြုလုပ်ရခြင်း၏ ရည်ရွယ်ချက်နှင့် စာပေဖတ်ရှုလေ့လာသည့် အလေ့အကျင့်ကောင်းများ ရရှိလာစေရန်၊ စာပေမှရရှိသည့် ဗဟုသုတများကို အပြန်အလှန် ဆွေးနွေးစေရေးအတွက် စာဖတ်ဝိုင်းများ ကျင်းပပြုလုပ်ရခြင်းဖြစ်ကြောင်း ရှင်းလင်းပြောကြားသည်။
ထို့နောက် စာဖတ်ဝိုင်းတွင် မမြသွန်းခင်ခင်က "လူသည် တစ်ဦးတည်းနေထိုင်၍ မရကြောင်း၊ အများနှင့်လိုက်လျောညီထွေနေထိုင်တတ်ရမည်ဖြစ်ကြောင်းနှင့် အနာဂတ်ခေါင်းဆောင်များဖြစ်လာမည့် ကလေးသူငယ်များကို ပူးပေါင်းဆောင်ရွက်ခြင်းဖြင့် အောင်မြင်မှုရရှိပုံများ" အကြောင်းကိုလည်းကောင်း၊ မောင်နိုင်လင်းက "ပူးပေါင်းဆောင်ရွက်ခြင်း သင်ခန်းစာဟာ တန်ဖိုးကြီးလှကြောင်း၊ လူတွေဟာ အထီးတည်းနေလို့မရကြောင်း၊ စုပေါင်းနေရကြောင်း" ကိုလည်းကောင်း အသီးသီး ဖတ်ကြားခဲ့ကြပြီး တက်ရောက်လာကြသော ကျောင်းသား/သူများကလည်း အပြန်အလှန် ဆွေးနွေးခဲ့ကြသည်။
အဆိုပါစာဖတ်ဝိုင်းကို ကျောက်မဲခရိုင်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနအနေဖြင့် စာဖတ်ရှိန် မြှင့်မားစေရေးအတွက် စာပေချစ်သူများနှင့် လစဉ်စာဖတ်ဝိုင်းဆွေးနွေးပွဲများကို ပြုလုပ်ဆောင်ရွက်လျက်ရှိကြောင်း သိရသည်။
မိုင်းထွန်း
https://t.me/MyanmarNationalPost
No comments:
Post a Comment