MNP ၊ ဧပြီ ၆
ရခိုင်ပြည်နယ်၊ ပုဏ္ဏားကျွန်းမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ကြီးမှူးဖွင့်လှစ်သော အခြေခံကွန်ပျူတာ၊ အင်္ဂလိပ်စာ၊ ပန်းချီသင်တန်းများဆင်းပွဲကို ယနေ့၊ နံနက်(၉)နာရီက အဆိုပါမြို့နယ်ရုံး၏ လူထုအခြေပြုဗဟိုဌာန (Community Centre)ခန်းမ၌ ကျင်းပခဲ့သည်။
အဆိုပါသင်တန်းဆင်းပွဲတွင် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဦးအောင်ဆွေက သင်တန်းသား/သူများအနေဖြင့် သက်ဆိုင်ရာဘာသာရပ်များ အလိုက် အခြေခံပညာရပ်ကို နားလည်တတ်မြောက်ပြီးဖြစ်သော်လည်း ဆက်လက်လေ့လာ သင်ယူကြရမည်ဖြစ်ကြောင်း ရှင်းလင်းမှာကြားသည်။
ထိုနောက် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ သင်တန်းနည်းပြ ဆရာမ တို့ကို အမှတ်တရလက်ဆောင်များ ပေးအပ်ပြီး၊ ကွန်ပျူတာ၊ အင်္ဂလိပ်စာ၊ ပန်းချီသင်တန်းသို့ တက်ရောက်သင်ယူခဲ့ကြသော သင်တန်းသား/သူများအား ဦးစီးအရာရှိနှင့်တာဝန်ရှိသူတို့က သင်တန်းဆင်းလက်မှတ်များ ချီးမြှင့်ပေးအပ်ခဲ့ကြသည်။
ကွန်ပျူတာသင်တန်းကို မတ်လ ၁၆ ရက်နေ့တွင် လည်းကောင်း၊ အင်္ဂလိပ်စာသင်တန်း ကို မတ်လ ၁၈ ရက်နေ့နှင့်ပန်းချီသင်တန်းကို မတ်လ ၂၀ ရက်နေ့များတွင် စတင်ဖွင့်လှစ်ပြီး၊ သင်တန်းသားလူငယ်(၅၂)ဦး တက်ရောက်ကာ ရက်သတ္တပတ်(၃)ပတ်ကြာ(အခမဲ့)သင်ကြား ပို့ချပေးခဲ့ကြောင်းသိရသည်။
နီထွန်းအောင်
https://t.me/MyanmarNationalPost
No comments:
Post a Comment