MNP ၊ ဧပြီ ၁၇
နိုင်ငံတော် စီမံအုပ်ချုပ်ရေးကောင်စီ ဥက္ကဌ၏ (၁၇-၄-၂၀၂၃) ရက်စွဲပါ အမိန့်အမှတ်၂၈/၂၀၂၃ ရာဇဝတ်ကျင့်ထုံး ဥပဒေပုဒ်မ-၄၀၁(၁)အရ မွန် ပြည်နယ် ဘီးလင်းမြို့နယ်၊တောင်စွန်းကုန်ထုတ် စခန်းတွင် ပြစ်ဒဏ်ကျခံနေရသော အကျဉ်းသား (၁၄)ဦးတို့အား လွတ်ငြိမ်းချမ်းသာခွင့် ပေးအပ်ခြင်း အခမ်းအနားကို ယနေ့ နံနက် ၉ နာရီ အချိန် က တောင်စွန်း(အမျိုးသား) ကုန်ထုတ်စခန်း၊ အစည်းအဝေး ခန်းမ ၌ ကျင်းပပြုလုပ်ခဲ့သည်။
အခမ်းအနားတွင် တောင်စွန်းကုန်ထုတ်စခန်း မှ လက်ထောက်ညွှန်ကြားရေးမှူး ဦးဇော်ရဲအောင် က မြန်မာနှစ်သစ်မင်္ဂလာအခါသမယ အထိမ်း အမှတ်အဖြစ် အကျဉ်းသားများအား ပြန်လည် လွှတ်ပေးခြင်းဖြစ်ပြီး အပြင်သို့ရောက်ရှိသွား ပါက ကောင်းရောင်းကောင်းဝယ် လုပ်စားကြရန် နှင့် ဥပေဒအညီနေထိုင် သွားလာကြရန်စသဖြင့် ဆုံးမဩဝါဒစကားများပြောဆိုဆုံးမခဲ့သည်။
ယင်းနောက် အကျဉ်းသား (၁၄)ဦးတို့အား ထောင်လွှတ်လက်မှတ်နှင့် လမ်းစရိတ်၊ ထမင်း စရိတ်ငွေများ ထောက်ပံ့ပေးအပ်ခဲ့ပြီး ၎င်းတို့ အား နေရပ်အသီးသီးသို့ ပြန်လည်စေလွှတ်ခဲ့ ကြောင်း သိရသည်
ထူးနောင်
https://t.me/MyanmarNationalPost
No comments:
Post a Comment