MNP ၊ ဧပြီ ၂၇
ရန်ကုန်တိုင်းဒေသကြီး သင်္ဃန်းကျွန်းခရိုင် တာမွေမြို့နယ်အတွင်းရှိ အခြေခံပညာကျောင်းများတွင် ယနေ့ နံနက်ပိုင်းအချိန်မှစတင်ကာ ၂၀၂၂-၂၀၂၃ ပညာသင်နှစ် အခြေခံပညာအဆင့် သူငယ်တန်း(KG)မှ ဧကဒဿမတန်း (Grade-11)အထိ နှစ်ဆုံးစာမေးပွဲ အောင်စာရင်းများကို အသီးသီး ထုတ်ပြန်ကြေညာခဲ့ကြောင်း သိရသည်။
ထိုသို့ ၂၀၂၂-၂၀၂၃ ပညာသင်နှစ် သူငယ်တန်း(KG)မှ ဧကဒဿမတန်း (Grade-11)အထိ နှစ်ဆုံးစာမေးပွဲ အောင်စာရင်းများ ထုတ်ပြန်ကြေညာရာတွင် မြို့နယ်အတွင်းရှိ အခြေခံပညာကျောင်းအသီးသီး၌ ဝင်ရောက်ဖြေဆို ခဲ့သည့် ကျောင်းသား/ ကျောင်းသူများနှင့် ၎င်းတို့၏ မိဘအုပ်ထိန်းသူများ လာရောက်ကြည့်ရှုရာတွင် အဆင်ပြေ ချောမွေ့စေရေးအတွက် ကျောင်းများရှိ ဆရာ/ဆရာမများနှင့် သက်ဆိုင်ရာတာဝန်ရှိသူများက ဝိုင်းဝန်းပူးပေါင်း ကူညီ ဆောင်ရွက်ပေးခဲ့ကြသည်။
ရန်ကုန်တိုင်းဒေသကြီး သင်္ဃန်းကျွန်းခရိုင် တာမွေမြို့နယ်တွင် အခြေခံပညာမူလတန်းကျောင်း (၂၈) ကျောင်း၊ အခြေခံပညာအလယ်တန်းကျောင်း (၄) ကျောင်း၊ အခြေခံပညာအထက်တန်းကျောင်း (၇) ကျောင်း၊ ဘုန်းတော်ကြီး သင်ပညာရေးကျောင်း(၁)ကျောင်း စုစုပေါင်း အခြေခံပညာကျောင်းပေါင်း (၄၀)ကျောင်းရှိပြီး ရာနှုန်းပြည့်နီးပါး ဖြေဆို အောင်မြင်ကြကြောင်း မြို့နယ်ပညာရေးမှူးရုံးမှ သတင်းရရှိပါသည်။
နိုင်လင်းအောင်
https://t.me/MyanmarNationalPost
No comments:
Post a Comment