MNP ၊ ဧပြီ ၂၈
ရခိုင်ပြည်နယ်၊ ဂွမြို့နယ်တွင် အသက်(၁၈)နှစ်အထက် ပြည်သူများအား ကိုဗစ်-၁၉ရောဂါ (ထပ်ဆောင်း) ကာကွယ်ဆေးများ ဆက်လက် ထိုးနှံပေးခြင်းကို ယမန်နေ့ နံနက်ပိုင်းက မြို့နယ်ပြည်သူ့ဆေးရုံခန်းမနှင့် ကျန်စုရပ်များ၌ ကျန်းမာရေးဝန်ထမ်းများက ထိုးနှံပေးလျက်ရှိသည်။
ထိုသို့ ထိုးနှံပေးရာတွင် ကိုဗစ်-၁၉ရောဂါကာကွယ်ဆေး ထိုးနှံရန်လာရောက်ကြသည့် ပြည်သူများအား ကျန်းမာရေးဌာနမှ တာဝန်ကျ ဝန်ထမ်းများက ကိုယ်အပူချိန်တိုင်းတာပေးခြင်း၊သွေးပေါင်ချိန်တိုင်းတာပေးခြင်းနှင့် စာရင်းမှတ်တမ်းရေးသွင်းကောက်ယူခြင်း များကို စနစ်တကျ ဆောင်ရွက်ပေးပြီး ဒုတိယအကြိမ်ထိုးနှံပြီးသူများအား တတိယအကြိမ်အဖြစ်လည်းကောင်း၊တတိယအကြိမ်ထိုးနှံ ပြီးသူများအားစတုတ္ထအကြိမ်အဖြစ်လည်းကောင်းကိုဗစ်-၁၉ရောဂါကာကွယ်ဆေး ထပ်ဆောင်း ထိုးနှံပေးလျက်ရှိသည်။
ဂွမြို့နယ်တွင် ကိုဗစ်-၁၉ရောဂါ(ထပ်ဆောင်း) ကာကွယ်ဆေးများ ထိုးနှံ ပေးလျက်ရှိရာ ဧပြီလ(၂၆)ရက်နေ့က ပထမအကြိမ်အဖြစ်(၇)ဦး၊ ဒုတိယအကြိမ်အဖြစ် (၁၁)ဦး၊ တတိယအကြိမ်အဖြစ်(၁၄)ဦး၊ စတုတ္ထအကြိမ်အဖြစ်(၁၈)ဦးလာရောက် ထိုးနှံခဲ့ကြပြီး၊ ဧပြီလ(၂၇)ရက်နေ့က ဒုတိယအကြိမ်အဖြစ် (၁)ဦးနှင့် စတုတ္ထအကြိမ်အဖြစ်(၅၃)ဦးလာရောက် ထိုးနှံခဲ့ကြကြောင်း မြို့နယ်ကျန်းမာရေးဦးစီးဌာနမှသိရသည်။
ရွှေရည်ဝင်းကျော်
https://t.me/MyanmarNationalPost
No comments:
Post a Comment