MNP ၊ ဧပြီ ၂၂
ရခိုင်ပြည်နယ်၊ သံတွဲခရိုင်၊ ကျိန္တလီမြို့၌ လူငယ်ရေးရာအသိပညာပေးဟောပြောပွဲ၊ နံရံကပ် စာစောင်ပြပွဲနှင့် စာအုပ်စာစောင်ပြပွဲကို ယမန်နေ့ညနေပိုင်းက လူထုအခြေပြုဗဟိုဌာန (Community Centre)ခန်းမတွင် ကျင်းပပြုလုပ်ခဲ့သည်။
ရှေးဦးစွာ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ မြို့ဦးစီးမှူး ဒေါ်သန်းသန်းလေးက ကျောင်းသား/သူ လူငယ်လေးများအနေဖြင့် “ရှောင်လေဝေးဝေးမူးယစ်ဆေး” ဆိုသည့်ဆောင်ပုဒ်အရ မူးယစ်စေသည့်အရာများကို မသုံးမိကြစေရန်နှင့် မူးယစ်ဆေးသုံးစွဲသူတို့၏ နောက်ဆက်တွဲ ဆိုးကျိုးများအကြောင်းကို ပိုမိုသိရှိပြီး မူးယစ်ဆေးဝါးအန္တရာယ်မှ ကင်းဝေးကြစေရန် ရည်ရွယ်၍ ဟောပြောပွဲ၊ နံရံကပ်စာစောင်ပြပွဲနှင့် စာအုပ်စာစောင် ပြပွဲတို့ကို ပြုလုပ်ရခြင်းဖြစ်ကြောင်း ပြောကြားခဲ့ပြီး ကျောင်းသား/သူများက သိရှိလိုသည်များကိုမေးမြန်းခဲ့ရာ မြို့ဦးစီးမှူးမှ ပြန်လည် ရှင်းလင်း ဆွေးနွေးခဲ့ကြောင်းသိရသည်။
ဆက်လက်၍ နံရံကပ်စာစောင်နှင့် စာအုပ်စာစောင်များကို ခင်းကျင်းပြသခဲ့ရာ ကျောင်းသား/သူများက စိတ်ပါဝင်စားစွာဖြင့် လေ့လာဖတ်ရှုခဲ့ကြောင်း သိရသည်။
ဇော်လင်း
https://t.me/MyanmarNationalPost
No comments:
Post a Comment