တောင်တွင်းကြီးမြို့နယ်၊ ဥသျှစ်ကုန်းကျေးရွာတွင် လေပြင်းတိုက်ခတ်မှုကြောင့် စာသင်ကျောင်း ပျက်စီး

MNP ၊  ဧပြီ ၂၂

မကွေးတိုင်းဒေသကြီး၊ တောင်တွင်းကြီးမြို့နယ်၊ သစ်ရာအုပ်စု၊ ဥသျှစ်ကုန်းကျေးရွာတွင် ယမန်နေ့ညနေ ၆ နာရီ အချိန်ခန့်က လေပြင်းတိုက်ခတ်ခဲ့ကြောင်း သိရသည်။

အဆိုပါ လေပြင်းတိုက်ခတ်မှုကြောင့် သစ်ရာအုပ်စု၊ ဥသျှစ်ကုန်းကျေးရွာ အမှတ်(၁၄၂) (အ-မ-က) ကျောင်း (၉) ပေသွပ် (၆၀) ချပ် အမိုးလန်ခဲ့ပြီး ပျဉ် (၃×၂) ၁၂ ချောင်း၊ မျက်နှာကြက် (၆)ခန်း၊ ဝှိုက်ဘုတ် (၁)ချပ် ပျက်စီးခဲ့ပြီး ဆုံးရှုံးမှုတန်ဘိုးကျပ် ၁၀၀၀၀၀၀/- (ကျပ်တစ်ဆယ်သိန်း)ခန့် ဖြစ်ကြောင်း သိရသည်။

လေပြင်းတိုက်ခတ်မှုကြောင့် အဆိုပါကျေးရွာတွင် လူနှင့်တိရိစ္ဆာန် ထိခိုက်မှုမရှိကြောင်း သိရသည်။

 https://t.me/MyanmarNationalPost