MNP ၊ ဧပြီ ၁၁
ရှမ်းပြည်နယ်(အရှေ့ပိုင်း)၊ တာချီလိတ်ခရိုင်၊ မိုင်းဖြတ်မြို့နယ်တွင် ကျောင်းသား၊ ကျောင်းသူများနွေရာသီကျောင်းပိတ်ရက်များ၌ အချိန်ကိုအကျိုးရှိစွာ အသုံးချနိုင်ရေးအတွက်ရည်ရွယ်ပြီး မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနနဲ့ စာပေချစ်မြတ်နိုးသူများအဖွဲ့တို့မှ(အခမဲ့) ပူးပေါင်းဖွင့်လှစ်သည့် (Mobile Phone)ဖြင့် ဗွီဒီယိုတည်းဖြတ်နည်းသင်တန်း ဆင်းပွဲအခမ်းအနားကို ဧပြီလ ၁၀ရက်၊ မွန်းလွဲပိုင်းက လူထုအခြေပြုဗဟိုဌာန (Community Centre)၌ ကျင်းပခဲ့ကြောင်းသိရသည်။
ရှေးဦးစွာ မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ မြို့နယ်ဦးစီးမှူး ဦးရှောလမွန်က အဖွင့်အမှာစကားပြောကြားပြီး သင်တန်းနည်းပြဆရာဦးသန်းထွန်းအေးက သင်တန်းကပို့ချသည့် ဗွီဒီယိုတည်းဖြတ်နည်း နည်းပညာတွေကို လူမှုနယ်ပယ်တွင် လက်တွေ့အသုံးချနိုင်ရေး ၊နည်းပညာများသည် သင်ယူတတ်မြောက်ထားသည်ဖြစ်သော်လည်း လေ့လာ၊ လေ့ကျင့်နိုင်မှသာ အကျိုးရှိကြောင်းနှင့် စပ်လျဥ်း၍ အမှာစကားပြောကြားခဲ့သည်။ ယင်းနောက် သင်တန်းသူ မသဲပွင့်ဦးက ကျေးဇူးတင်စကား ပြောကြားခဲ့သည်။
အဆိုပါသင်တန်းကို မတ်လ ၂၈ရက်မှ ဧပြီလ ၁၀ရက်နေ့အထိ (Kinemaster)ဆော့ဝဲလ်ကို အသုံးပြု၍ ဖွင့်လှစ်သင်ကြားခဲ့ပြီး ကျောင်း သား/သူများ၊ စိတ်ပါဝင်စားသူ (၁၅)ဦးတက်ရောက်ခဲ့ကြောင်း သိရသည်။
ရွှေကို
https://t.me/MyanmarNationalPost
No comments:
Post a Comment